Tanong 1: Sinabing minsan ni apostol Pablo, “Nakipagbaka ako ng mabuting pakikipagbaka, natapos ko na ang aking takbo, iningatan ko ang pananampalataya: Buhat ngayon ay natataan sa akin ang putong ng katuwiran” (2 Timoteo 4:7–8). Samakatwid, ang ibig sabihin ng kumikilos ayon sa mga salita ni Pablo ay ginagawa natin ang kalooban ng Diyos. Kung gayon, siguradong makakapasok tayo sa kaharian ng langit at tatanggap ng mga gantimpala.

Sagot: Tungkol sa tanong na anong klaseng tao ba ang makakapasok sa kaharian ng langit, sabi ng Panginoong Jesus no’ng araw, “kundi ang gumaganap ng kalooban ng Aking Ama na nasa langit.” Lubos na ipinapakita niyan ang tunay na diwa ng katuwiran at kabanalan ng Diyos. Ang mga kampon ni Satanas, marumi at tiwali, ay hindi makakapasok sa kaharian ng langit. Pero sabi ni Pablo, sa pagbaka ng mabuting pakikipagbaka, pagtatapos ng kanyang takbo at pagsampalataya, makakapasok siya sa kaharian ng langit at magagantimpalaan. Ayon kay Pablo, basta’t nagsusumikap ang tao para sa Panginoon, makakapasok sila sa kaharian ng langit, kahit hindi nila sundin ang mga salita ng Diyos o hindi pa sila banal. Kung gayo’y pa’no maipapakita ang katuwiran at kabanalan ng Diyos? Nang sabihin ’to ni Pablo, kontra siya sa Diyos. Lantaran niyang tinatanggihan noon ang mga salita ng Panginoong Jesus at pinatitigil at ginugulo ang gawain ng Diyos! Hindi kaya paggawa ng kalooban ng Ama sa langit ang pagbaka ng mabuting pakikipagka at pagtatapos ng takbo? Ang pag-iingat sa pangalan ng Panginoong Jesus nang hindi tinatalikuran ang Panginoon, paggawa ba ’yan ng kalooban ng Ama sa langit? Ang paggawa ng kalooban ng Ama sa langit ay pagsunod sa mga salita, utos at tagubilin ng Diyos. Pag hindi namumuhay ang mga tao ayon sa mga salita ng Panginoon, hindi puwedeng ginagawa nila ang kalooban ng Ama sa langit, anuman ang kanilang ginagawa o gaano man sila nahihirapan. Ang sinabi ni Pablo ay lubos na batay sa sarili niyang mga pagkaintindi at imahinasyon at hinaluan ng sarili niyang mga ambisyon at opinyon. Sapat nang patunayan na si Pablo ay hindi isang taong gumawa ng kalooban ng Ama sa langit. Kung ginawa niya ang kalooban ng Diyos, ba’t ’di niya ginabayan ang mga alagad na sundin ang mga salita ng Panginoong Jesus? Ba’t basta na lang siya nagbigay ng gayong opinyon, na laban talaga sa mga salita ng Panginoong Jesus? Ba’t niya nilabanan ang Panginoong Jesus? Iniligaw niya ng landas at nilinlang ang iba sa sarili niyang maling pagkaintindi, Pinigilan niya ang iba na tumahak sa landas ng Panginoong Jesus, at ginawang hungkag at walang kuwenta ang Kanyang mga salita. Pinilit niyang makinig sa kanya ang mga nananalig at talikuran ang Panginoon. Pinatutunayan niyan na si Pablo ay hindi isang taong naghanap ng katotohanan o sumunod sa kalooban ng Diyos. Mga kapatid, kapag hinangad nating makapasok sa kaharian ng langit, kailangan nating gawing pamantayan ang mga salita ng Panginoong Jesus dahil Siya ang Hari ng kaharian ng langit; ang Kanyang mga salita lamang ang katotohanan at may awtoridad. Siya lamang ang nagpapasiya kung anong klaseng mga tao ang makakapasok sa kaharian ng langit, at si Pablo ay isang Apostol lamang na nagpalaganap ng ebanghelyo. Hindi siya si Cristo. Ang kanyang mga salita ay hindi katotohanan. Kung gayon, walang kabuluhan ang kanyang mga salita. Ang Panginoong Jesus ang nagpapasiya kung makakapasok si Pablo sa kaharian ng langit o hindi, kaya pa’no naging marapat si Pablo na magpasiya kung makakapasok ang ibang mga tao?

mula sa iskrip ng pelikulang Masasakit na Alaala

Sinundan: Tanong 14: Maraming mga kapatiran ang taos-pusong pinupuri ang mga pastor at elder. Hindi nila naiintindihan kung bakit, kahit pa madalas na ipinapaliwanag ng mga pastor at elder ang Biblia at dinadakila ang Biblia, kinapopootan pa rin nila ang katotohanan at tinututulan at binabatikos ang Makapangyarihang Diyos na nagkatawang-tao. Ang pagpapaliwanag sa Biblia at pagdakila sa Biblia, parehas ba ’yon sa pagsaksi sa Panginoon at pagdakila sa Panginoon?

Sumunod: Tanong 2: Sabi mo, hindi katotohanan ang mga salita ni Pablo. Kung gayo’y ba’t nasa Biblia ang kanyang mga salita? Nasusulat sa Biblia ang mga salita ni Pablo. Kung gayon, binigyang-inspirasyon ito ng Diyos; kumakatawan ito sa mga salita ng Diyos. Dapat natin silang sundin!

Madalas nang mangyari ngayon ang mga sakuna. Paano natin masasalubong ang Panginoon at paano tayo maililigtas ng Diyos bago ang malalaking sakuna? Magkasama tayong magsiyasat upang mahanap ang landas.

Kaugnay na Nilalaman

Tanong 11: Pinatototohanan mo na si Jesus at ang Makapangyarihang Diyos ang parehong si Cristo, ang una at ang huling Cristo. Hindi ’yan tinatanggap ng ating CCP. Sa The Internationale, malinaw na sinabi “Walang sinumang naging tagapagligtas ng mundo kailanman.” Pilit n’yong pinatototohanan na dumating na si Cristong Tagapagligtas. Paanong hindi kayo tutuligsain ng CCP? Sa palagay namin, ang Jesus na pinananaligan ng mga Kristiyano ay isang karaniwang tao. Ipinako pa nga siya sa krus. Kahit ang Judaismo ay hindi kinilala na Siya si Cristo. Ang Makapangyarihang Diyos na nagkatawang-tao sa mga huling araw na pinatototohanan n’yo ay isa lamang palang karaniwang tao. Malinaw na inilalarawan sa mga dokumento ng CCP na may apelyido at pangalan Siya. Totoo rin ’yan. Bakit n’yo pinatototohanan na ang gayong karaniwang tao ay si Cristo, ang pagpapakita ng Diyos? Mahirap paniwalaan ’yan! Gaano man n’yo patotohanan ang katotohanang naipahayag at kung paano nagawa ng Makapangyarihang Diyos ang gawain ng paghatol sa mga huling araw, hindi kikilalanin ng ating CCP na ang taong ito ay ang Diyos. Palagay ko katulad lang kayo ng mga tao ng Kristiyanismo, Katolisismo, at Eastern Orthodoxy na nananalig kay Jesus, na nananalig na Diyos ang isang tao. Hindi ba kamangmangan ’yan? Ano ba talaga ang Diyos at ang pagpapakita at gawain ng Diyos? Ibig sabihin ba nito ay ang pagpapahayag lang ng katotohanan at paggawa ng gawain ng Diyos ay pagpapakita ng tunay na Diyos? Yan ang hinding-hindi namin tatanggapin. Kung makakagawa ang Diyos ng mga himala at hiwaga, mapupuksa ang CCP at lahat ng kumakalaban sa Kanya, kikilalanin namin na Siya ang tunay na Diyos. Kung magpapakita ang Diyos sa kalangitan, gagawa ng madagundong na kulog na tatakot sa buong sanglibutan, yan ang pagpapakita ng Diyos. Sa gayo’y kikilalanin Siya ng ating CCP. Kung hindi, hinding-hindi tatanggapin ng CCP na may Diyos.

Sagot: Hindi ko lang maunawaan, bakit palaging galit ang CCP sa Diyos? Bakit nito palaging tinatanggihan ang Diyos? Bakit ito galit lalo na...

Mga Setting

  • Teksto
  • Mga Tema

Mga Solidong Kulay

Mga Tema

Font

Font Size

Espasyo ng Linya

Espasyo ng Linya

Lapad ng pahina

Mga Nilalaman

Hanapin

  • Saliksikin ang Tekstong Ito
  • Saliksikin ang Aklat na Ito

Kontakin Kami Gamit ang Messnger