1 Ang mga panalangin ng mga tao ay daluyan para sa gawain ng Banal na Espiritu. Habang nananalangin at naghahanap ang isang taong nasa tamang kalagayan, gumagawa rin ang Banal na Espiritu. Isa itong magandang koordinasyon sa pagitan ng Diyos at ng tao mula sa dalawang magkaibang pananaw, kung hindi, masasabing tinutulungan ng Diyos ang tao na lutasin ang ilan sa kanilang mga isyu, at isa itong uri ng pagtutulungan kapag humaharap ang mga tao sa Diyos. Isa rin ito sa mga paraan ng Diyos sa pagliligtas at paglilinis sa mga tao, at bukod pa riyan, ito ang landas para sa normal na pagpasok sa buhay. Hindi ito isang ritwal. Ang panalangin ay isang bagay na mayroong malalim na kabuluhan! Kung marunong kang manalangin at madalas kang manalangin, sa madalas na pananalangin na mapagpasakop at makatwiran, mas madalas kaysa hindi na magiging napakanormal ng kalagayan ng iyong kalooban.

2 Dapat na ituring na seryoso ng sinuman ang pribadong sinasabi nila sa panalangin, at gawin ito nang taimtim; sa ganoong paraan ka lamang magkakaroon ng normal na pakiramdam kapag humaharap ka kay Cristo. Paano dapat humarap ang mga tao sa Diyos? Sa pamamagitan ng panalangin at sa pamamagitan ng pagninilay sa sarili upang makita kung paano mangusap nang may katwiran, paano mangusap mula sa posisyon ng tao, at paano mangusap mula sa puso. Huwag kang magsalita ng mga bagay na maganda lang pakinggan o na nagtatangkang suyuin ang Diyos. Kapag isinagawa mo ito nang ilang panahon, malalaman mo kung paano manalangin sa Diyos at makipagbahagi sa Kanya, at magiging madali sa iyo kung gayon na makamit ang gawain ng Banal na Espiritu.

Hango sa Ang Salita, Vol. III. Ang mga Diskurso ni Cristo ng mga Huling Araw. Ang Kahalagahan ng Panalangin at Pagsasagawa Nito