1 Bakit hindi ako nagising? Inilagay ko lang ang lahat sa paghahangad ng katayuan at pangalan. Nakatuon lamang ako sa gawain at pangangaral, ngunit hindi ko isinagawa o naranasan ang mga salita ng Diyos. Bakit hindi ako nagising? Nagpakasipag ako para lamang sa mga gantimpala. Puno ng maluluhong hangarin at kahilingan, masyado akong naging makasarili at kasuklam-suklam. Napakaraming beses nanawagan sa akin ang mga salita ng Diyos, pinatigas ko ang puso ko at nagbulag-bulagan ako. Puno ng makasariling mga pagnanasa ang puso ko, paano ko mapapansin ang mga payo ng Diyos? Diyos ko! Nasaktan Kang masyado sa mga kilos ko. Hiyang-hiya akong mamuhay sa Iyong presensya, na nagtatamasa ng pag-ibig Mo. Hindi ko matiis na lingunin ang mga bagay ng nakaraan, puro pagkasuwail at kapangitan ko iyon. Talagang mayabang, pa-importante, walang pakundangan, at padalus-dalos ako, binigyan ko ng laya ang aking masamang disposisyon. Binabagabag ng mga kasalanan ko ang aking konsiyensya, itinatangis ko ang aking mga pangungumpisal, paano ako makakabawi sa nasayang kong panahon?

2 Sa pamamagitan lamang ng paghatol ko nakita na isa akong ipokrito. Sumumpa ako ng walang-maliw na pag-ibig nang napakaraming beses, subalit hindi ko matagalan ang isang pagsubok. Nagsisi at nagdasal ako nang napakaraming beses, sinasabing nagbago na ako, subalit kasinungalingan iyan. Sa pamamagitan lamang ng paghatol ko malinaw na nakita na kung walang pagsasagawa ng katotohanan, malalantad ako kalaunan. Sa pamamagitan ng mga pagsubok na labis kong pinagsisihan, kinamuhian ko ang matindi kong katiwalian at hindi ako makatao. Nagpapatirapa ako sa harap ng Diyos, puno ako ng pagsisisi, paninibaguhin ko ang sarili ko para aliwin ang puso ng Diyos. Diyos ko! Nasaktan Kang masyado sa mga kilos ko. Hiyang-hiya akong mamuhay sa Iyong presensya, na nagtatamasa ng pag-ibig Mo; nais ko lamang ituon ang puso ko sa maayos na pagganap sa aking tungkulin. Hindi na Kita muling bibiguin. Nais kong ilagay ang sarili ko sa mga kamay Mo, sumunod sa Iyong mga plano at panuntunan. Ipinapasiya kong isagawa ang katotohanan, tanggapin ang Iyong paghatol at paglilinis, at gampanan ang aking tungkulin nang wasto para masuklian ang pag-ibig Mo sa akin!