Sagot: Anumang malalaking insidente ng gawain ng Diyos ay iprinopesiya sa Biblia, at marami-rami rin ang mga propesiyang nauugnay sa pangalawang pagdating ng Panginoong Jesus at gawaing paghatol ng Diyos sa mga huling araw. Pero dapat nating maintindihan na sinasabi lang ng mga propesiya sa mga tao kung ano ang mangyayari. Paalala ang mga ito para maging mapagmatyag ang mga tao at maghanap at magsiyasat nang mabuti sa mga huling araw, para hindi sila abandonahin o alisin ng Diyos. Iyan lang ang magagawa ng mga propesiya. Hindi tayo matutulungan ng mga propesiya na malaman ang gawain ng Diyos, o maintindihan ang katotohanan, o tulungan tayong sumunod sa Diyos, o dagdagan ang ating pagmamahal sa Diyos. Kaya ang pinakamabuting gawin natin ay ang direktang siyasatin ang mga salitang ipinahayag ng Makapangyarihang Diyos, at ang ginawa Niyang gawain, at mula sa mga ito ipasya kung talagang tinig at pagpapahayag ng Diyos ang mga ito. Iyan ang pinakamahalaga at pinakamatalinong hakbang. Mas makatotohanan ito at nakakatulong kaysa sa paghahanap ng batayan sa mga propesiya sa biblia. Alam nating lahat na noong dumating ang Panginoong Jesus para magsagawa ng gawain, unti-unti lang na nakilala ng mga alagad at nananampalataya na sumunod sa Kanya, sa pamamagitan ng Kanyang gawain at mga salita, na ang Panginoong Jesus ang Cristo, ang Tagapagligtas na iprinopesiyang darating. Alam na alam ng mga dakilang saserdote, kalihim, at Fariseo na nakakaalam sa mga kautusan at nag-aral sa Biblia na mga katotohanan at may kapangyarihan ang mga salita ng Panginoong Jesus, pero dahil namumuhi sila sa katotohanan, hindi lang sila tumangging sundin ang Panginoong Jesus, gumamit sila ng mga sulat at patakaran sa Biblia para kontrahin at kondenahin ang Panginoong Jesus, at sa huli ay ipinako Siya sa krus. Ipinapakita nito sa atin na hindi tayo maaakay o magagabayan ng Biblia para tanggapin ang pagbabalik ng Panginoon. Para sa atin na naghihintay sa pagbabalik ng Panginoon, nagsisilbi lang ang Biblia bilang patunay. Hindi sinasalubong ng matatalinong dalaga ang Kasintahan gamit ang Biblia. Kapag naririnig nila ang tinig ng Kasintahan, pinatutunayan nilang tinig ito ng Diyos at lumalabas para salubungin ang Panginoon. Ang mga umaasa sa propesiya sa biblia, sa halip na hanapin ang tinig ng Diyos, at itinatanggi at kinokondena ang gawain ng Makapangyarihang Diyos sa mga huling araw—sila ang pinakahangal na mga dalaga, ang mga aabandonahin at aalisin ng Diyos.

Ngayon basahin natin ang isang talata mula sa Makapangyarihang Diyos. “Matatanggap mo ba, nang walang pag-aalinlangan, ang buong gawain ng Banal na Espiritu? Kung ito ang gawain ng Banal na Espiritu, ito ang tamang daloy, at dapat mong tanggapin ito nang walang anumang mga pagdududa; hindi mo dapat piliin kung ano ang iyong tatanggapin. Kung magkamit ka ng mas maraming kabatiran sa Diyos at mas maingat ka sa Kanya, hindi ba ito kalabisan? Hindi mo kailangang humanap ng iba pang patunay mula sa Biblia; kung ito ang gawain ng Banal na Espiritu, kailangan mong tanggapin ito, sapagkat naniniwala ka sa Diyos upang sundan ang Diyos, at hindi mo Siya dapat siyasatin. Hindi ka dapat maghanap ng iba pang katibayan tungkol sa Akin upang patunayan na Ako ang iyong Diyos, kundi dapat mong mahiwatigan kung may pakinabang Ako sa iyo—ito ang pinakamahalaga. Kahit makakita ka ng maraming di-mapabulaanang patunay sa Biblia, hindi ka nito lubos na maihaharap sa Akin. Mamumuhay ka lamang sa loob ng sakop ng Biblia, at hindi sa Aking harapan; hindi ka matutulungan ng Biblia na makilala Ako, ni hindi nito mapapalalim ang pagmamahal mo sa Akin” (Ang Salita, Vol. I. Ang Pagpapakita at Gawain ng Diyos. Paano Maaaring Tumanggap ng mga Paghahayag ng Diyos ang Taong Nililimitahan ang Diyos sa Kanyang mga Kuru-kuro?). Para malaman kung ang Makapangyarihang Diyos ang nagbalik na Panginoong Jesus, hindi tayo pwedeng umasa lamang sa katibayan sa Biblia. Ang pinakamahalagang bagay ay kung katotohanan ang mga salitang ipinahayag ng Makapangyarihang Diyos, kung ang ipinahahayag ng Makapangyarihang Diyos ay ang disposisyon ng Diyos at kung ano ang mayroon at kung ano ang Diyos, kung ang mga salita ng Makapangyarihang Diyos ay ang katotohanan, ang daan, at ang buhay na kinakailangan natin, kung mapapawi ng mga ito ang lahat ng kalituhan natin tungkol sa paniniwala sa Diyos, kung maililigtas tayo ng mga ito mula sa masasamang malasatanas na disposisyon at malasatanas na kalikasan, at kung matutulungan tayo ng mga ito na makawala sa impluwensiya ni Satanas, makamit ang kadalisayan, at makapasok sa kaharian ng langit. Iyan ang pinakamahalagang bagay.

mula sa iskrip ng pelikulang Dumadaloy ang Tubig ng Buhay Mula sa Trono