I

Noong kapiling ni Pedro si Jesus,

marami siyang nakitang

katangiang kaibig-ibig, dapat tularan,

tumustos sa kanya.

Higit na nakita niya’ng Diyos kay Jesus,

at isinapuso’ng lahat ng kay Jesus,

lahat ng tungkol sa buhay Niya,

mga salita’t pagkilos Niya.

Nalaman ni Pedro na ‘di ordinaryong tao si Jesus.

Bagama’t anyo Niya’y pareho lang ng sa iba,

puno Siya ng pag-ibig, empatiya’t awa sa tao.

Lahat ng ginawa’t sinabi Niya’y

higit na nakatulong.

Napakaraming natamo ni Pedro

sa unang pagkakataon.

II

Nakita ni Pedro na mukhang

karaniwang tao lang si Jesus

ngunit may kakaibang katangiang

‘di maipaliwanag.

Nakita niyang kakaiba si Jesus,

iba’ng mga gawa Niya sa iba.

May espesyal Siyang katangian,

mahinaho’t ‘di apurado.

‘Di kailanman nagmalabis

o nagbawas si Jesus ng anumang bagay.

Namuhay Siya sa paraang nahayag

ang isang karakter na parehong

normal at kahanga-hanga.

Mahinahon magsalita, masayahin ngunit payapa.

Pinanatili Niya’ng dignidad

sa kabuuang gawain Niya.

III

Nakita ni Pedrong si Jesus ay tahimik,

minsa’y masalita.

Sasaya Siyang parang kalapati,

o malulungkot at mananahimik.

Magagalit Siyang parang sundalo

o umuungal na leon.

May panahong tatawa Siya,

minsa’y mananalangi’t iiyak.

Anumang kilos ni Jesus,

natutunan ni Pedro ang pagmamahal

at respeto kay Jesus na walang hanggan.

Pagtawa ni Jesus, dulot sa kanya’y ligaya.

Pighati’y nagdulot ng kalungkutan.

Galit ay nagpanginig sa kanya sa takot.

Ngunit, mga kahilingan,

awa’t kapatawaran ni Jesus

ang nagdulot ng totoong pag-ibig,

paggalang at pananabik sa Kanya.

Hango sa Ang Salita, Vol. I. Ang Pagpapakita at Gawain ng Diyos. Paano Nakilala ni Pedro si Jesus