1 Natatangay sa walang-hanggang sekular na mundo, hindi ko kailanman nalaman kung ano ang katotohanan. Pagkatapos lamang basahin ang mga salita ng Makapangyarihang Diyos ko natuklasan ang tunay na kahulugan ng buhay. Dumating na sa mundo ang tunay na liwanag: si Cristo ang katotohanan, ang daan, at ang buhay. Dinilig at binigyang-sustansya ng mga salita ng Diyos, nakamtan ko ang daan ng buhay na walang hanggan. Sa pagsasagawa at pagdanas ng mga ito, unti-unting lumalago ang aking buhay, at mas lalong pinahahalagahan ng aking puso ang katotohanan; nabubuhay ako sa pamamagitan ng Kanyang mga pahayag. Si Cristo ang praktikal na Diyos; pinasasalamatan at pinupuri ko ang Diyos. Ang aking taos-pusong naisin ay ang mahalin ang Diyos; nais kong mahalin Siya! Aleluya!

2 Inilantad ng mga salita ng Diyos ang tunay na mukha at pinanggagalingan ng malalim na katiwalian ng tao: Ang mga tao ay mapagmataas, palalo, makasarili, mapanlinlang, at walang budhi at katinuan. Gusto kong hanapin ang pag-ibig at pagsunod sa Diyos, ngunit lagi akong mapanghimagsik at mapanlaban sa Kaniya; may bahid ang napakarami sa ginugugol ko para sa Kaniya, at ginagawa ko ang lahat ng ito bilang kapalit sa mga biyaya ng langit. Habang nakikita ang aking tiwali at pangit na pagmumukha, kinamumuhian ko ang aking sarili at nakakaramdam ng pagsisisi sa kaibuturan ko. Nais kong tanggapin ang paghatol at pagdadalisay ng Diyos, tanggalin ang aking katiwalian, at maging dalisay sa aking pagmamahal para sa Kaniya. Si Cristo ang aking Minamahal; Karapat-dapat Siya sa walang hanggang pag-ibig ng tao. Ang aking taos-pusong naisin ay ang mahalin ang Diyos; nais kong mahalin Siya! Aleluya!

3 Naipakita sa akin ng lahat ng katotohanang ipinahayag ng Diyos ang liwanag ng buhay ng tao. Sa pamamagitan ng mga pagsubok, sakit, at pagpipino, nagsimula akong gumalang at magpasakop sa Diyos. Nadalisay at nailigtas ako ng Kaniyang mga salita, napalaya ako mula sa masasamang puwersa ni Satanas, at gumawa ng pagbabago sa aking disposisyon sa buhay, at sa wakas nagawa kong maging kaayon ng Diyos. Sa pamamagitan lamang ng pagdanas at pagsasagawa ng mga salita ng Diyos ko nabatid na ang katotohanan ay ang buhay, at napakahalaga; sa pamamagitan ng pagtatanggal ng aking katiwalian at pagsasagawa ng katotohanan ko lamang naisabuhay ang tunay na pagkakawangis sa tao. Si Cristo ang praktikal na Diyos, at mamahalin ko Siya magpakailanman. Ang aking taos-pusong naisin ay ang mahalin ang Diyos; nais kong mahalin Siya! Aleluya!