1 Naglalakbay tayo mula sa maraming lugar, malapit at malayo, upang magtipon sa bahay ng Diyos, kumakain at umiinom ng mga salita ng Diyos at isinasabuhay ang buhay sa simbahan araw-araw. Isinasagawa at dinaranas natin ang mga salita ng Diyos; tunay na kagalakan ang maunawaan ang katotohanan. Kahungkagan, sakit, pagkakagulo—ang lahat ng ito ay nakalipas na. Iniuugnay tayo ng mga salita ng Diyos sa isa’t isa; kay tamis tamasahin ang mga salitang ito sa ating mga puso. Mapalad tayong mapatnubayan ni Cristo; sa pag-unawa sa katotohanan at pagpuri sa Diyos, napalaya ang ating mga puso!

2 Nagtitipon tayo sa bahay ng Diyos, magkakasamang nagbabahagian ng mga salita ng Diyos. Sa pag-unawa sa katotohanan, mayroong liwanag sa ating mga puso, at isang landas upang magsanay sa lahat ng bagay. Tinutulungan at sinusuportahan natin ang bawat isa, at nagpapasakop sa mga salita ng Diyos at sa katotohanan. Tinatanggal ang kamalian at pandaraya, sinasanay natin ang ating mga sarili na maging matapat. Iniuugnay tayo ng mga salita ng Diyos sa isa’t isa; nag-uugnay ang ating mga puso, at minamahal natin ang bawat isa, nang malapit na malapit. Nagtatrabaho nang magkakasundo, matapat nating ginagawa nang maayos ang ating tungkulin; ang ating mga puso ay nagmamahal sa Diyos at pinupuri ang Diyos. Napakapalad natin!

3 Sa pagbabalik-tanaw sa mga panahon na magkakasama tayo, matamis na mapait ang pakiramdam natin Naging hindi malilimutang mga alaala ang mga iyon. Sumailalim tayo sa paghatol ng mga salita ng Diyos at naranasan ang Kanyang labis na pag-ibig. Matapos dumanas ng mga pagsubok at pagpipino, nagkaroon ng pagbabago sa disposisyon natin sa buhay. Sa pagsasagawa ng misyon na magpatotoo sa Diyos, pumupunta tayo sa iba’t ibang direksyon. Inaakay tayong sumulong magpakailanman ng mga salita ng Diyos; ipinapalaganap natin sa mundo ang Kanyang mabuting balita. Iniuugnay tayo ng mga salita ng Diyos sa isa’t isa; ang pag-ibig sa Diyos ay nangangahulugang pagsasaalang-alang ng Kanyang kalooban. Gaano man kabigat ang pagdurusa, hindi tayo susuko; tayo ay magmamahal sa Diyos at magpatotoo sa Kanya magpakailanman. Magiging matapat tayo sa Kanya hanggang sa wakas! Iniuugnay tayo ng mga salita ng Diyos sa isa’t isa; tayo ay nagpapalaganap ng ebanghelyo ng kaharian at sumusunod sa kalooban ng Diyos. Inaasam natin ang araw ng kaluwalhatian ng Diyos, kung kailan ay maaari tayong magtipon muli, kasama ang Diyos, at hindi na maghihiwalay kailanman!