Ang matagumpay na Hari ay nakaupo sa Kanyang maluwalhating trono. Naisakatuparan na Niya ang pagtubos at inakay na ang lahat ng Kanyang tao upang magpakita sa kaluwalhatian. Ang lahat ng umiiral ay hawak Niya sa Kanyang mga kamay, at sa Kanyang banal na karunungan at kapangyarihan ay itinayo at pinatibay Niya ang Sion. Sa Kanyang pagiging maharlika ay hinahatulan Niya ang makasalanang sanlibutan, hinahatulan ang di-mabilang na mga bansa at tao, ang lupa at ang mga dagat at lahat ng bagay na nabubuhay roon, gayundin ang mga lasing sa alak ng kahalayan. Tiyak na hahatol ang Diyos; Tiyak na magagalit Siya sa kanila, at ipapamalas ang Kanyang pagiging maharlika, gad na humahatol nang walang pagkaantala. Tiyak na susunugin ng apoy ng Kanyang poot ang kanilang karumal-dumal na mga kasalanan at tiyak na sasapit sa kanila ang kalamidad anumang sandali; wala silang landas na matatakasan at walang lugar na mapagtataguan, sila ay tatangis at magngangalit ng kanilang mga ngipin, at magdadala sila ng pagkawasak sa kanilang sarili.

Ang mga minamahal na anak ng Diyos na nagtagumpay ay tiyak na lalagi sa Sion, hinding-hindi na ito lilisanin. Ang di-mabilang na hinirang na mga tao ng Diyos ay makikinig lahat nang mabuti sa Kanyang tinig, magbibigay sila ng masusing atensiyon sa Kanyang mga kilos, at ang mga tunog ng kanilang papuri sa ay hindi titigil kailanman. Nagpakita na ang nag-iisang tunay na Diyos! Makatitiyak tayo tungkol sa Kanya sa espiritu at susundan natin Siyang mabuti; magmamadali tayong sumulong nang buo nating lakas at hindi na mag-aalinlangan. Ang kalalabasan ng mundo ay nalalantad sa ating harapan; pinatitindi pa ngayon ng wastong buhay iglesia at maging ng mga tao, pangyayari, at bagay na nakapaligid sa atin ang ating pagsasanay. Bilisan natin ang pagbawi sa ating puso na labis na nagmamahal sa mundo! Bilisan natin ang pagbawi sa ating pananaw na lubhang malabo! Pigilan natin ang mga hakbang natin, upang hindi tayo lumampas sa mga hangganan. Pigilan natin ang ating bibig upang makatahak tayo sa salita ng Diyos, at hindi na tayo makipagtalo pa tungkol sa mga natamo at nawala sa atin. Ah, bitiwan ninyo ito—ang sakim na pagkahilig ninyo sa sekular na mundo at sa kayamanan! Ah, palayain ninyo ang inyong sarili mula rito—ang matibay ninyong pagkapit sa mga mister at mga anak na babae at lalaki! Ah, talikuran na ninyo ang mga ito—ang inyong mga pananaw at pagtatangi! Ah, gising; maikli ang panahon! Tumingala, tumingala, mula sa espiritu, at hayaang ang Diyos ang gumamit ng kapangyarihan. Anuman ang mangyari, huwag kayong tumulad sa asawa ni Lot. Kaawa-awa ang maabandona! Talagang kaawa-awa! Ah, gising!