Ang nag-iisang tunay na Diyos na naghahari sa sansinukob at sa lahat ng bagay—ang Makapangyarihang Diyos, Cristo ng mga huling araw! Ito ang patotoo ng Banal na Espiritu, ito’y di-mapasisinungalingang katibayan! Gumagawa ang Banal na Espiritu upang magpatotoo sa lahat ng dako, upang walang sinuman ang magduda. Ang matagumpay na Hari, Makapangyarihang Diyos! Nanaig na Siya sa buong mundo, nanaig na Siya sa kasalanan, at natupad na Niya ang Kanyang pagtubos! Iniligtas Niya tayo, ang grupong ito ng mga taong ginawang tiwali ni Satanas, at ginagawa Niya tayong ganap upang magawa ang kalooban Niya. Hawak Niya ang kapangyarihan ng paghahari sa buong daigdig, binabawi ang lupaing ito at itinataboy si Satanas tungo sa walang hanggang hukay. Hinahatulan Niya ang mundo, at wala ni isa man ang makakatakas mula sa Kanyang mga kamay. Namumuno Siya bilang Hari.

Nagbubunyi ang buong daigdig! Pinupuri nito ang matagumpay na Hari—ang Makapangyarihang Diyos! Magpakailan pa man! Karapat-dapat Ka sa parangal at papuri. Awtoridad at luwalhati sa dakilang Hari ng sansinukob!

Maigsi na lang ang oras, sumunod sa mga yapak ng Makapangyarihang Diyos at patuloy na sumulong. Maging maselan sa pagkakamali, isaalang-alang ang Kanyang pasanin, maging kaisa ng Kanyang isipan, at gugulin ang iyong sarili para sa Kanyang plano ng pamamahala. Hindi mo dapat pinananatili ang iyong mga ari-arian. Kaunting-kaunti na lamang ang nalalabing oras. Ihandog ang mga ito! Huwag patuloy na hawakan ang mga ito! Ihandog ang mga ito! Huwag patuloy na hawakan ang mga ito!