Kabanata 70

Na ang Aking mga misteryo ay inilalantad, hayagang naipapamalas, at hindi na nakatago, ay lubusang dahil sa Aking biyaya at awa. Higit pa rito, na ang Aking salita ay nagpapakita sa gitna ng tao, at hindi na natatakpan, ay dahil sa Aking biyaya at awa. Mahal Ko ang lahat na taos-pusong gumugugol ng kanilang mga sarili para sa Akin at nag-aalay ng kanilang mga sarili sa Akin. Namumuhi Ako sa lahat ng isinilang mula sa Akin pero hindi Ako kilala at lumalaban sa Akin. Hindi Ko isasantabi ang sinuman na taos-pusong para sa Akin; dagdag pa rito, pararamihin Ko nang husto ang kaparusahang ipinapataw sa mga ingrato, at hinding-hindi Ko sila basta palalampasin nang ganoon na lamang. Sa Aking kaharian, walang pagiging baliko o panlilinlang, at walang kamunduhan; iyon ay, walang amoy ng patay. Sa halip, ang lahat ay pagkamatuwid at katuwiran; ang lahat ay dalisay na pagiging simple at bukas, na walang nakatago o lingid. Ang lahat ay sariwa, ang lahat ay kasiyahan, at ang lahat ay pagpapatibay. Ang sinumang nangangamoy-patay pa rin ay hindi talaga makakapanatili sa Aking kaharian, at sa halip ay pamamahalaan ng Aking bakal na pamalo. Ang bawat isa at ang lahat ng walang-katapusang misteryo, mula noong unang panahon hanggang sa kasalukuyan, ay ganap na ibinunyag sa inyo—ang pangkat ng mga taong nakamit Ko sa huling kapanahunan. Hindi ba ninyo nararamdamang kayo ay pinagpala? Higit pa rito, ang mga araw kung kailan hayagang ipapamalas ang lahat ay ang mga araw kung kailan kayo’y maghahari kasama Ko.

Ang pangkat ng mga taong tunay na naghahari ay umaasa sa Aking paunang pagtatadhana at pagpili, at ganap na walang kalooban ng tao rito. Ang sinumang nangangahas na makibahagi rito ay tiyak na makakaranas ng paghampas mula sa Aking kamay, at ang gayong mga tao ay magiging pakay ng Aking nanglalamon na apoy; ito ay isa pang panig ng Aking katuwiran at pagiging kapita-pitagan. Nasabi Ko nang pinaghaharian Ko ang lahat ng bagay, Ako ang marunong na Diyos na gumagamit ng buong awtoridad, at hindi Ko basta-bastang pinalalampas ang sinuman; ganap Akong walang awa, at ganap na walang personal na damdamin. Tinatrato Ko ang sinuman (kahit na gaano siya kahusay magsalita, hindi Ko siya palalampasin) gamit ang Aking katuwiran, pagkamatuwid, at pagiging kapita-pitagan, habang binibigyang-kakayahan ang lahat na makita nang mas malinaw ang pagiging kamangha-mangha ng Aking mga gawa, pati na rin kung tungkol saan talaga ang Aking mga gawa. Isa-isa, pinarusahan Ko ang masasamang espiritu para sa lahat ng uri ng pagkilos na ginawa nila, ibinubulid silang isa-isa sa walang-hanggang hukay. Ang gawaing ito ay tinapos Ko bago nagsimula ang panahon, iniwan ang mga ito na walang posisyon, iniwan ang mga ito na walang lugar para gawin ang kanilang gawain. Wala sa Aking mga hinirang na tao—yaong mga paunang itinadhana at pinili Ko—ang maaaring sapian ng masasamang espiritu kailanman, at sa halip ay laging magiging banal. Samantalang ang mga hindi Ko paunang-tinadhana at hinirang, ipapasa Ko sila kay Satanas, at hindi Ko na sila hahayaang manatili. Sa lahat ng aspeto, nakapaloob sa Aking mga atas administratibo ang Aking katuwiran at Aking pagiging kapita-pitagan. Hindi Ko palalampasin kahit isa sa mga ginagawan ni Satanas, kundi itatapon sila kasama ang kanilang mga katawan sa Hades, dahil namumuhi Ako kay Satanas. Hindi Ko ito basta-basta palalampasin, kundi ganap itong wawasakin, hindi ito binibigyan ng bahagya mang pagkakataong gawin ang gawain nito. Ang lahat ng ginawang tiwali ni Satanas sa partikular na antas (ibig sabihin, ang mga pakay ng kapahamakan) ay nasa ilalim ng marunong na pagsasaayos ng Aking sariling kamay. Huwag ninyong isiping ito ay nangyari bunga ng kawalang-pakundangan ni Satanas; alamin ninyo na Ako ang Makapangyarihang Diyos na may kataas-taasang kapangyarihan sa buong sansinukob at sa lahat ng bagay! Para sa Akin, walang problemang hindi nalulutas, at lalo nang walang anumang bagay na hindi nagagawa o anumang salitang hindi nabibigkas. Ang mga tao ay hindi dapat kumilos bilang Aking mga tagapayo. Mag-ingat kayong mahampas ng Aking kamay at maitapon sa Hades. Sinasabi Ko ito sa iyo! Ang mga maagap na nakikipagtulungan sa Akin ngayon ay ang pinakamatatalino, at maiiwasan nila ang mga kawalan at hindi sila pagdadanasin ng pasakit ng paghatol. Lahat ng ito ay Aking mga pagsasaayos, paunang itinadhana Ko. Huwag kang magkomento nang walang ingat at huwag kang magsalita nang mayabang, iniisip na ikaw ay napakagaling. Hindi ba’t ang lahat ng ito ay Aking paunang pagtatadhana? Kayo, na nagnanais na maging mga tagapayo Ko, ay mga walang hiya! Hindi ninyo alam ang inyong sariling tayog; kung gaano ito kaawa-awang mababa! Magkagayon man, akala ninyo ay maliit na bagay lamang ito, at hindi ninyo nakikilala ang inyong mga sarili. Paulit-ulit kayong nagbibingi-bingihan sa Aking mga salita; kayo ang nabigong makatugon sa Aking masisidhing layunin, hindi man lang itinuturing ang mga ito bilang Aking biyaya at awa, kundi sa halip ay paulit-ulit ninyong ipinagmamalaki ang sarili ninyong katalinuhan. Natatandaan ba ninyo ito? Anong pagkastigo ang dapat matanggap ng mga tao na nag-aakalang napakatalino nila? Walang pakialam at hindi tapat sa Aking mga salita, at hindi isinasapuso ang mga ito, ginagamit ninyo Ako bilang dahilan para gawin ang ganito at ganyan. Mga taong gumagawa ng masama! Kailan ninyo makakayang ganap na isaalang-alang ang Aking puso? Wala kayong pagsasaalang-alang dito, at ang pagtawag sa inyo na “mga taong gumagawa ng masama” ay hindi di-patas na pagtrato sa inyo. Talagang bagay na bagay ito sa inyo!

Ngayon, ipinakikita Ko sa inyo, isa-isa, ang mga bagay na dati ay nakatago. Ang malaking pulang dragon ay itinatapon sa walang-hanggang hukay at lubusang winawasak, dahil talagang walang kuwentang panatilihin pa ito; ibig sabihin ay hindi nito kayang magserbisyo para kay Cristo. Pagkatapos nito, mawawala na ang mga pulang bagay; unti-unti, dapat maglaho ang mga ito hanggang sa punto ng kawalan. Ginagawa Ko ang sinasabi Ko; ito ang kaganapan ng Aking gawain. Alisin ang mga pantaong kuru-kuro; lahat ng nasabi Ko, Aking nagawa. Ang lahat ng nagmamarunong ay nagdadala lang ng kapahamakan at pagkadusta sa kanilang sarili, at ayaw mabuhay. Sa gayong kaso, pagbibigyan kita, at tiyak na hindi Ko pananatilihin ang mga gayong tao. Pagkatapos nito, ang populasyon ay tataas ang kahusayan; ititiwalag ang lahat ng hindi maagap na nakikipagtulungan sa Akin—itatapon sa kawalan. Ang mga itinuturing Kong karapat-dapat ay ang mga gagawin Kong perpekto, at wala Akong itatakwil ni isa. Walang mga pagsasalungatan sa Aking sinasabi. Ang mga hindi maagap na nakikipagtulungan sa Akin ay magdurusa ng mas maraming pagkastigo, bagaman, sa kahuli-hulihan ay tiyak na ililigtas Ko sila. Gayunpaman, pagdating ng panahong iyon, ang antas ng kanilang mga buhay ay magiging lubhang iba. Gusto mo bang maging ganoong tao? Tumindig at makipagtulungan sa Akin! Tiyak na hindi Ko tatratuhin nang masama ang lahat ng taos-pusong gumugugol ng sarili para sa Akin, na taimtim na nag-aalay ng kanyang sarili sa Akin. Ipagkakaloob Ko ang lahat ng Aking pagpapala sa inyo. Ialay mo ang buong pagkatao mo sa Akin! Kung ano ang iyong kinakain, kung ano ang iyong isinusuot, at ang iyong kinabukasan ay nasa Aking mga kamay na lahat; isasaayos Ko ang lahat ng ito nang angkop, upang magtamasa ka nang walang-humpay at magkaroon ng hindi nauubos na panustos. Ito ay dahil sinabi Ko: “Kayong mga taos-pusong gumugugol ng inyong sarili para sa Akin, tiyak na labis Ko kayong pagpapalain.” Ang lahat ng pagpapala ay darating sa lahat ng taong taos-pusong gumugugol ng kanilang sarili para sa Akin.

Sinundan: Kabanata 69

Sumunod: Kabanata 71

Ang Pagpapakita at Gawain ng Diyos Ukol sa Pagkakilala sa Diyos Ang mga Diskurso ni Cristo ng mga Huling Araw Paglalantad sa mga Anticristo Ang mga Responsabilidad ng mga Lider at Manggagawa Ukol sa Paghahangad sa Katotohanan Ukol sa Paghahangad sa Katotohanan Ang Paghatol ay Nagsisimula sa Tahanan ng Diyos Mahahalagang Salita Mula sa Makapangyarihang Diyos, ang Cristo ng mga Huling Araw Araw-araw na mga Salita ng Diyos Ang mga Katotohanang Realidad na Dapat Pasukin ng mga Mananampalataya sa Diyos Sundan ang Kordero at Kumanta ng mga Bagong Awitin Mga Gabay para sa Pagpapalaganap ng Ebanghelyo ng Kaharian Naririnig ng mga Tupa ng Diyos ang Tinig ng Diyos Makinig sa Tinig ng Diyos  Masdan ang Pagpapakita ng Diyos Mahahalagang Tanong at Sagot tungkol sa Ebanghelyo ng Kaharian Mga Patotoong Batay sa Karanasan sa Harap ng Luklukan ng Paghatol ni Cristo (Volume I) Mga Patotoong Batay sa Karanasan sa Harap ng Luklukan ng Paghatol ni Cristo (Volume II) Mga Patotoong Batay sa Karanasan sa Harap ng Luklukan ng Paghatol ni Cristo (Volume III) Mga Patotoong Batay sa Karanasan sa Harap ng Luklukan ng Paghatol ni Cristo (Volume IV) Mga Patotoong Batay sa Karanasan sa Harap ng Luklukan ng Paghatol ni Cristo (Volume V) Mga Patotoong Batay sa Karanasan sa Harap ng Luklukan ng Paghatol ni Cristo (Volume VI) Mga Patotoong Batay sa Karanasan sa Harap ng Luklukan ng Paghatol ni Cristo (Volume VII) Mga Patotoong Batay sa Karanasan sa Harap ng Luklukan ng Paghatol ni Cristo (Volume VIII) Mga Patotoong Batay sa Karanasan sa Harap ng Luklukan ng Paghatol ni Cristo (Volume IX) Paano Ako Bumalik sa Makapangyarihang Diyos

Mga Setting

  • Teksto
  • Mga Tema

Mga Solidong Kulay

Mga Tema

Font

Font Size

Espasyo ng Linya

Espasyo ng Linya

Lapad ng pahina

Mga Nilalaman

Hanapin

  • Saliksikin ang Tekstong Ito
  • Saliksikin ang Aklat na Ito