Sagot: Aang mga pinuno ng relihiyon na tumututol at nagkokondena sa gawain ng Makapangyarihang Diyos ay hindi isang di-pangkaraniwang bagay. Noong pumunta ang Panginoong Jesus upang isakatuparan ang Kanyang gawain, hindi ba’t kinondena at pinahirapan din Siya ng mga namumunong Hudyo? Sa bandang huli ipinako pa nila ang Panginoong Jesus sa krus. Ito ang katotohanan batay sa kasaysayan. Darating ang Makapangyarihang Diyos ng mga huling araw, at ang mga salitang Kanyang ipinapahayag ay katotohanan lahat at kinukumbinsi nang lubos ang mga tao. Ang sinuman na tapat na naniniwala sa Diyos at nagugutom sa katotohanan, kapag nabasa ang salita ng Makapangyarihang Diyos, ay babaling sa Makapangyarihang Diyos. Ngunit natatakot ang mga pastor at mga matatanda sa mga relihiyosong lupon na kung ang lahat ng mananampalataya ay babaling sa Makapangyarihang Diyos, wala nang matitira na makikinig sa kanilang hungkag na kaalaman tungkol sa Biblia at mga teorya sa teolohiya. Pagkatapos ay malalagay sa panganib ang kanilang katayuan at kabuhayan. Kung kaya’t kailangan nilang tutulan at kondenahin ang Makapangyarihang Diyos na parang mga baliw. Tingnan muna natin ang isang talata mula sa salita ng Makapangyarihang Diyos. Sabi ng Makapangyarihang Diyos, “Ang sinumang hindi nakauunawa sa layunin ng gawain ng Diyos ay sumasalungat sa Kanya, at ang nakauunawa sa layunin ng gawain ng Diyos ngunit hindi pa rin naghahangad na mabigyang-kasiyahan ang Diyos ay lalo pang higit na ituturing na kalaban ng Diyos. Mayroong mga nagbabasa ng Biblia sa mga malalaking iglesia at nagsasalaysay nito nang buong araw, ngunit wala ni isa sa kanila ang nakauunawa sa layunin ng gawain ng Diyos. Wala ni isa sa kanila ang nakakilala sa Diyos, lalong wala ni isa sa kanila ang nakaayon sa kalooban ng Diyos. Lahat sila ay walang halaga, masasamang tao, bawat isa ay nagpapakataas upang pangaralan ang Diyos. Sadya nilang sinasalungat ang Diyos kahit na dala-dala nila ang Kanyang bandila. Sinasabi nilang sila ay nananampalataya sa Diyos, subalit kumakain pa rin sila ng laman at umiinom ng dugo ng tao. Ang lahat ng ganitong tao ay mga diyablong lumalamon sa kaluluwa ng tao, mga pinunong demonyo na sadyang humahadlang sa mga sumusubok na tumapak sa tamang landas, at mga balakid na nakasasagabal sa mga naghahanap sa Diyos. Sila ay tila may ‘mahuhusay na konstitusyon,’ ngunit paano malalaman ng kanilang mga tagasunod na sila ay walang iba kundi mga anticristo na umaakay sa mga tao na manindigan laban sa Diyos? Paano malalaman ng kanilang mga tagasunod na sila ay mga nabubuhay na diyablo na nakatuon sa paglamon ng mga kaluluwa ng tao?” (Ang Salita, Vol. I. Ang Pagpapakita at Gawain ng Diyos. Lahat ng Taong Hindi Nakakakilala sa Diyos ay mga Taong Sumasalungat sa Diyos). Walang naniwala na tututulan ng relihiyosong mundo ang Diyos, ngunit ibinunyag ng pagdating ng Panginoong Jesus ang mga anticristo sa mga relihiyosong lupon. Pinahirapan at kinondena ng mga pinuno ng relihiyon ang Panginoong Jesus, at sa huli, ipinako nila Siya sa krus. Ang katotohanang ito ay patunay na ang lahat ng pinuno ng relihiyon ay tinututulan ang Diyos habang naglilingkod sila sa Kanya. Kapag ipinapaliwanag ng mga pastor at mga pinuno ng relihiyon ng mga huling araw ang Biblia, madalas nilang ginagamit ang mga salita at doktrina upang maparangalan ang kanilang sarili, ngunit hindi nila isinasagawa ang mga salita ng Panginoong Jesus. Lalo na kapag darating sa kanila ang gawain ng Makapangyarihang Diyos sa mga huling araw, lubusang nalalantad ang kanilang pagkamuhi sa katotohanan at malasatanas na kalikasan. Upang protektahan ang kanilang mga posisyon at kabuhayan, gumagawa sila ng lahat ng uri ng tsismis at buong galit nilang tinututulan at kinokondena ang Makapangyarihang Diyos, nililinlang at kinokontrol ang mga mananampalataya. Isinasara pa nila ang iglesia sa ilalim ng pagkukunwaring gusto nilang “protektahan ang kawan ng tupa at ipagtanggol ang katotohanan,” hinahadlangan ang mga tao sa pagsisiyasat sa gawain at mga salita ng Makapangyarihang Diyos. Ang mas kasuklam-suklam ay binubuo at pinananatili ng ilang pastor at pinuno ang kanilang sariling reputasyon, sinusubukang makamit ang kanilang kasuklam-suklam na layunin na pagkukulong at pagkontrol sa mga tao, sa pamamagitan ng garapalang pagnanakaw sa mga salita ng Makapangyarihang Diyos at pangangaral ng mga ito sa mga mananampalataya. Ito ay lubusang naglalantad sa kanilang marahas na mga ambisyon na makipagpaligsahan sa Diyos para sa katayuan. Itong mga pastor at pinuno ng relihiyon ay kapareho lang ng mga Fariseong Hudyo na nagkondena at tumutol sa Panginoong Jesus noon. Lahat sila ay namumuhi sa katotohan at mga anticristo na ang tingin sa Diyos ay kaaway. Magiging napakahirap sana na makita ang totoong mga kulay nila. Matindi ang kanilang paglabag sa disposisyon ng Diyos at nakatakdang makatanggap ng matuwid na kaparusahan ng Diyos.

mula sa iskrip ng pelikulang Awit ng Tagumpay