Hinihikayat namin ang mga naghahanap ng katotohanan na kontakin kami.

Ang Salita ay Nagpapakita sa Katawang-tao

Mga Solidong Kulay

Mga Tema

Font

Laki ng Font

Espasyo ng Linya

Lapad ng pahina

0 (Mga) Resulta ng Paghahanap

Walang nakitang mga resulta.

`

Ang Ika-sandaan at Labing-apat na Pagbigkas

Nilikha Ko ang mundong sansinukob; ginawa Ko ang mga bundok, mga ilog, at ang lahat ng bagay; hinugis Ko ang pinakadulo ng kalawakan; pinangunahan Ko ang aking mga anak at ang Aking bayan; inutusan Ko ang lahat ng mga bagay. Ngayon, pangungunahan Ko ang Aking mga panganay na anak pabalik sa Aking Bundok Sion, para bumalik kung saan Ako naninirahan, na magiging huling hakbang sa Aking gawain. Ang lahat ng Aking nagawa na (lahat ng ginawa mula sa paglikha hanggang ngayon) ay para sa yugto ng Aking gawain ngayon, at tangi sa riyan, para ito sa paghahari sa hinaharap, kaharian sa hinaharap, at para sa Akin at para sa Aking mga panganay na anak upang magkaroon sila ng walang hanggang kasiyahan. Ito ang naging tunguhin Ko sa paglikha ng lahat ng mga bagay at ito ang pinaka-sukdulang katuparan ng Aking paglikha. May layunin sa likod ng Aking sinasabi at ginagawa; ang lahat ay may plano at hindi ginawa nang kahit paano na lang. Bagama’t sinasabi Ko na nasa Aking lahat ang kalayaan at kasarinlan, gayunman, lahat ng Aking ginagawa ay may prinsipyo, lahat ng Aking ginagawa ay batay sa Aking karunungan at disposisyon. Nakakita na ba kayo ng kahit anong bagay tungkol dito? Mula sa paglikha hanggang sa kasalukuyan, bukod sa Aking mga panganay na anak, walang sinuman ang nakakakilala sa Akin at nakakakita ng Aking tunay na anyo. Ang pagtatangi na Aking ginawa para sa Aking mga panganay na anak ay dahil sila ay pangunahing isang bahagi ng Aking persona.

Nang Aking likhain ang mundo, ginawa Ko ang tao sa apat na antas ng kategorya ayon sa Aking kinakailangan, gaya ng: Aking mga anak, Aking bayan, ang mga naglilingkod, at ang mga pupuksain. Bakit wala ang Aking mga panganay na anak sa listahan? Ito ay dahil ang Aking mga panganay na anak ay hindi mga nilalang ng paglikha; sila ay mula sa Akin at hindi sa sangkatauhan. Gumawa Ako ng pagsasaayos para sa Aking mga panganay na anak bago Ako naging katawang tao; kung saang pamilya sila isisilang at sino ang mga maglilingkod sa kanila —ang lahat ng mga bagay na ito ay Aking naplano. Naplano Ko rin kung kailan Ko sila muling mababawi at sa huli magkakasama kaming babalik sa Sion. Ito ay Aking naplano bago ang paglikha, kaya walang sinumang tao ang nakakaalam nito at hindi ito nakatala sa anumang aklat dahil ang mga ito ay mga usapin ng Sion. Tangi sa riyan, nang Ako ay naging katawang tao, hindi Ko ibinigay sa tao ang kakayahang iyon, kaya nga walang sinuman ang nakakaalam ng mga bagay na iyon. Sa pagbabalik sa Sion, malalaman ninyo kung ano ang katulad ninyo sa nakalipas, ano ang katulad ninyo ngayon, at ano ang inyong nagagawa sa buhay na ito. Sa sandaling ito basta Ko sinasabi sa inyo ang mga bagay na ito nang malinaw at paunti-unti, kung hindi gayon hindi ninyo mauunawaan gaano man kalaki ang gawin ninyong pagsisikap, at gagambalain ninyo ang Aking pamamahala. Ngayon, bagama’t hiwalay Ako sa mga laman ng karamihan sa Aking mga panganay na anak, iisa kami sa Espiritu, at habang maaaring magkaiba ang aming pisikal na anyo, kami, mula sa umpisa hanggang sa wakas, ay iisa sa Espiritu. Gayunman, ang mga lahi ni Satanas ay hindi gagamitin ito bilang isang oportunidad para magsamantala. Gaano mo man ikubli ang iyong sarili, mananatili itong paimbabaw lamang at hindi Ako sasang-ayon. Kaya makikita mula rito na ang mga nakatuon sa paimbabaw at ang naghahangad na gayahin Ako sa panlabas ay isandaang porsyentong tiyak na kay Satanas. Dahil ang kanilang espiritu ay kakaiba at hindi sila kabilang sa Aking mga iniibig, gaano man nila subukang gayahin Ako, hindi sila katulad sa Akin. Tangi sa riyan, dahil ang Aking mga panganay na anak ay talagang kaisa Ko sa Espiritu, kahit hindi nila Ako ginagaya, nagsasalita sila at kumikilos nang pareho sa Akin, at lahat sila ay tapat, malinis, at bukas (para sa mga hindi nagkukulang sa karunungan, ito ay dahil lamang sa kanilang limitadong karanasan sa mundo, at dahil dito, ang kakulangan ng karunungan ay hindi isang kapintasan ng Aking mga panganay na anak; sa pagbalik nila sa katawan, ang lahat ay maaayos). Dahil sa katwirang itong inilarawan sa itaas na maraming tao ang hindi pa rin nagbabago ng kanilang lumang kalikasan gaano Ko man sila pakitunguhan. Ngunit para sa Aking mga panganay na anak, tumatalima sila sa Aking mga layunin nang hindi Ko kinakailangang makitungo sa kanila at ito ay dahil iisa kami sa Espiritu. Nadarama nila sa kanilang espiritu ang kahandaan na gumugol ng buo para sa Akin. Kaya maliban sa Aking mga panganay na anak, walang sinumang tao ang tunay at taimtim na isinasaalang-alang ang Aking mga layunin; tanging pagkatapos lamang na Aking malupig si Satanas na sila’y nahahandang maglingkod sa Akin.

Ang Aking karunungan at ang Aking mga panganay na anak ay nakatataas sa lahat, nananaig sa lahat, at walang anumang bagay o sinuman o anumang pangyayari ang nangangahas na makahadlang. Tangi pa riyan, walang tao, pangyayari o bagay na makakapanaig sa kanila, at sa halip, ang lahat ay magpapasakop nang masunurin sa harapan ng Aking persona. Ito ay isang katotohanan na nagaganap sa harap ng tao at isang katotohanang nakakamtan Ko na. Sinumang nagpupumilit sa pagsuway (ang mga masuwayin ay sumasangguni pa rin kay Satanas at ang mga sinakop ni Satanas ay walang dudang si Satanas), tiyak na pupuksain Ko sila mula sa ugat hanggang sanga para hindi na magkaroon ng kaguluhan sa hinaharap; mamamatay sila kaagad mula sa Aking pagkastigo. Ang uring ito ni Satanas ay ang mga hindi nahahandang maglingkod sa Akin at ang mga bagay na ito ay palaging nakatayo sa isang sutil na pagsalungat sa Akin mula sa paglikha, at ngayon, nagpupumilit sila sa pagsuway sa Akin (hindi kaya ng mga tao na makita ito dahil ito lamang ay mga bagay patungkol sa espiritu. Ang ganitong uri ng tao ay kumakatawan sa ganitong uri ni Satanas). Una Ko silang pupuksain bago maging handa ang lahat, at hahayaan sila na walang hanggang matanggap ang pagdidisiplina ng matinding kaparusahan (ang “puksain” dito ay hindi nangangahulugan na hindi na sila umiiral, sa halip tumutukoy ito sa lawak ng kalupitan na ipapasailalim sila at ang salitang “puksain” na ginamit dito ay kakaiba sa salitang “puksain” para sa mga taong pupuksain), at mananangis sila at magngangalit ang kanilang mga ngipin magpakailan-kailanman, nang walang hangganan. Hindi man lamang kayang guni-gunihin ng tao ang eksenang ito. Sa mortal na pag-iisip ng mga tao, wala silang kakayahang makaintindi ng mga espiritwal na bagay, kaya nga mauunawaan lamang ninyo ang mas maraming mga bagay pagkatapos ninyong makabalik sa Sion.

Sa Aking tahanan sa hinaharap walang ibang naroroon maliban sa Akin at ang Aking mga panganay na anak at sa panahong iyon lamang maaabot ang Aking layunin at dumarating sa lubos na katuparan ang Aking mga plano, dahil ang lahat ay ibabalik sa orihinal na kalagayan at ang bawat isa ay uuriin ayon sa kani-kanilang uri. Ang Aking mga panganay na anak ay babalik sa Akin, ang Aking mga anak at bayan ay babalik sa kaharian ng mga nilikha at ang mga tagapagbigay ng serbisyo at ang mga pinuksa ay babalik kay Satanas. Pagkatapos ng paghahatol sa mundo, Ako at ang Aking mga panganay na anak ay sisimulang muli ang maka-Diyos na buhay at hindi nila Ako iiwan kailanman at lagi silang makakasama Ko. Ang lahat ng hiwagang ito na maaaring maunawaan ng isipan ng tao ay, paunti-unting, ihahayag sa inyo. Sa buong kasaysayan, nagkaroon na ng di-mabilang na tao ang namamatay dahil sa Akin, iniaalay nila ang kanilang sarili ng buo sa Akin, ngunit sa kabila ng lahat, ang mga tao ay mga nilikhang nilalang lamang at gaano man sila kabait, hindi sila maituturing na Diyos; ito ay isang hindi mahahadlangang kalakaran at hindi kayang baguhin ng sinuman. Kasi, ang Diyos ang lumikha ng lahat ng mga bagay at ang mga tao ay mga nilalang, at si Satanas ang Aking laging puntirya ng pagwasak at ang Aking kinamumuhiang kaaway—ito ang pinakatotoong kahulugan ng kasabihang “hindi mababago ng isang leopardo ang kanyang mga batik.” Ang malagay sa ganitong kalagayan at ang yugtong ito ngayon ay isang tanda na Ako at ang Aking mga panganay na anak ay papasok sa kapahingahan. Ito ay dahil ang Aking gawain sa mundo ay lubusang ganap at hinihingi sa Akin ng susunod na hakbang ng Aking gawain ang bumalik sa katawan para maging ganap. Ito ang mga hakbang ng Aking gawain at naplano Ko na sila nang una pang panahon. Ang puntong ito ay dapat na makita nang malinaw, dahil kung hindi nakararaming tao ang lalabagin ang Aking batas ng pamamahala.

Sinundan:Ang Ika-siyamnapu’t siyam na Pagbigkas

Sumunod:Pambungad

Baka Gusto Mo Rin