Kabanata 118

Sinumang bumabangon upang magpatotoo sa Aking Anak, pagkakalooban Ko siya ng biyaya; sinumang hindi bumabangon upang magpatotoo sa Aking Anak, kundi sa halip ay lumalaban at gumagamit ng mga kuru-kurong pantao para gumawa ng sarili nilang mga pagtatasa, lilipulin Ko sila. Dapat na malinaw na makita ng lahat! Ang pagpapatotoo sa Aking Anak ay isang kilos ng pagkatakot sa Akin at tinutugunan nito ang Aking mga layunin. Huwag mong igalang ang Ama lang, habang inaapi at sinisiil ang Anak. Ang mga gumagawa niyan ay mga inapo ng malaking pulang dragon. Hindi Ko kailangan ang mga walang hiyang gaya nito upang magpatotoo sa Aking Anak; wawasakin Ko sila sa walang hanggang hukay. Nais Ko na magserbisyo sa Aking Anak ang mga tapat at matatapat na tagapagserbisyo; pagdating naman sa iba, hindi Ko sila kailangan. Ito ang Aking matuwid na disposisyon at nagsisilbi ito para ipakita na Ako ang banal at walang kapintasang Diyos Mismo. Hindi Ko patatawarin ang sinumang lumalabag sa Aking mga atas administratibo. Sinumang lumaban sa Iyo o umusig sa Iyo, maging sa pamilya man o sa mundo, kakastiguhin Ko sila isa-isa at walang palalampasin, sapagkat walang bahagi Ko ang sa laman at dugo. Ang pagpapatotoo sa Iyo ngayon ay nagpapakita na natapos na sa pagseserbisyo sa Akin ang mga tagapagserbisyong iyon, kaya huwag Kang magkaroon ng anumang pag-aalinlangan o pag-aalala. Sila naman ay Iyong mga tagapagserbisyo at kapag nasabi at nagawa na ang lahat, Ikaw ay sa langit, at babalik Ka sa Aking katawan sa katapusan, sapagkat ang Aking katawan ay hindi maaari na wala Ka. Ang mga lumaban sa Iyo at ang mga hindi kaayon sa Iyo sa nakaraan (isang bagay ito na hindi nakikita ng iba; Ikaw lamang ang nakaaalam nito sa Iyong puso) ay ibinunyag na ngayon ang kanilang mga orihinal na anyo at bumagsak na, sapagkat Ikaw ang Diyos Mismo at hindi Mo kinukunsinti ang sinumang lumalaban sa Iyo o gumagawa ng pagkakasala laban sa Iyo. Kahit na hindi ito nakikita sa anumang paraan mula sa labas, nasa loob Mo ang Aking Espiritu; ito ay hindi mapag-aalinlanganan. Dapat paniwalaan ito ng lahat ng tao, kung hindi ay hahampasin ng Aking tungkod na bakal ang lahat ng lumalaban sa Akin! Sapagkat nagpapatotoo Ako sa Iyo, tiyak na nagtataglay Ka ng awtoridad, at lahat ng sinasabi Mo ay pagpapahayag Ko, at lahat ng ginagawa Mo ay Aking pagpapamalas, sapagkat Ikaw ang Aking minamahal at Ikaw ay isang bahagi na hindi maaaring wala ang Aking persona. Kaya bawat pagkilos Mo, kung ano ang suot Mo, kung ano ang ginagamit Mo, at kung saan Ka nakatira—tiyak na ang mga ito ay mga gawa Ko rin. Walang sinuman na dapat sumubok maghanap ng isang bagay laban sa Iyo, at walang sinuman ang dapat maghanap ng mga kamalian sa Iyo. Kapag ginawa ito ninuman, hindi Ko sila patatawarin!

Itatapon Ko ang lahat ng masamang lingkod palabas ng Aking sambahayan, at sa loob ng Aking sambahayan ay gagawin Kong magpatotoo sa Aking mga panganay na anak ang lahat ng tapat na lingkod; ito ang Aking plano at ito ang paraan kung paano Ako gumagawa. Kapag nagpapatotoo sa Aking Anak ang masasamang lingkod, nagdadala ito ng amoy ng mga patay at kasuklam-suklam ito para sa Akin. Kapag nagpapatotoo sa Aking Anak ang mga tapat na lingkod, masigasig at taimtim ito, at katanggap-tanggap ito sa Akin. Kaya, sinumang ayaw magpatotoo sa Aking Anak, lumayas ka rito ngayon din! Hindi kita pipilitin—kapag sinabi Ko sa iyo na umalis ka, kailangan mong umalis! Tingnan mo kung ano ang mga kahihinatnan para sa iyo at kung ano ang naghihintay sa iyo; nauunawaan ito ng mga nagseserbisyo nang higit sa sino pa man. Ang Aking paghatol, ang Aking poot, ang Aking mga sumpa, ang Aking pagsunog at ang Aking pagpupuyos sa galit ay sasapit anumang oras sa sinumang lumalaban sa Akin. Hindi nagpapakita ng kapatawaran kaninuman ang Aking kamay; kahit gaano katapat noon ang isang nagseserbisyo, kung nilalabanan niya ngayon ang Aking Anak, agad Ko siyang lilipulin, at hindi Ko siya hahayaang manatili sa harapan Ko. Mula rito, makikita ng tao ang Aking walang patawad na kamay. Dahil hindi Ako kilala ng mga tao at dahil nilalabanan Ako ng kanilang mga kalikasan, maging ang mga tapat sa Akin ay tapat lang para sa kanilang sariling kasiyahan. Kung may nangyayari na nagdudulot sa kanila na magdusa ng mga kawalan, nagbabago agad-agad ang kanilang puso at gusto nilang umatras mula sa tabi Ko. Ito ang kalikasan ni Satanas. Hindi kayo dapat maging mapagmagaling, naniniwala na tapat nga kayo! Kung wala silang mahihita rito, itong kawan ng mga hayop na ito ay sadyang hindi kayang maging tapat sa Akin. Kung hindi Ko inihayag ang Aking mga atas administratibo, matagal na kayong nagsiurong. Lahat kayo ngayon ay naiipit sa dalawang nag-uumpugang bato, ayaw magserbisyo sa Akin pero ayaw mahampas ng Aking kamay. Kung hindi Ko ipinroklama na sasapit ang malalaking sakuna sa sinumang lumalaban sa Akin anumang oras, matagal na kayong nagsiurong. Hindi Ko ba alam ang maliliit na pagkalkula na maaaring gamitin ng mga tao? Nagtataglay na ngayon ng maliit na pag-asa ang karamihan sa mga tao, pero kapag ang pag-asang iyan ay nauwi sa kabiguan, ayaw na nilang magpatuloy pa at humihiling na bumalik na lang. Nasabi Ko na noon na hindi Ako nagpapanatili rito ng sinuman nang laban sa kanilang kalooban, pero maingat mong isipin kung ano ang mga magiging kahihinatnan para sa iyo. Hindi kita pinagbabantaan; isa itong katunayan. Walang sinumang makaaarok sa kalikasan ng tao maliban sa Akin; iniisip ng lahat ng tao na tapat sila sa Akin, at hindi nalalaman na hindi dalisay ang kanilang katapatan. Sisirain ng pagiging hindi dalisay na ito ang mga tao, sapagkat ito ay isang pakana ng malaking pulang dragon. Matagal Ko nang inilantad ito; Ako ang Diyos na makapangyarihan sa lahat, kaya paanong hindi Ko mauunawaan ang isang napakasimpleng bagay? Kaya Kong matalos ang iyong dugo at iyong laman para makita ang iyong mga intensiyon. Hindi mahirap para sa Akin na maarok ang kalikasan ng tao, pero iniisip ng mga tao na matatalino sila, naniniwalang sila lang at wala nang iba ang nakaaalam ng kanilang mga intensiyon. Hindi ba nila alam na ang Diyos na makapangyarihan sa lahat ay umiiral sa langit at lupa at lahat ng bagay?

Mamahalin Ko ang Aking Anak hanggang sa pinakadulo at kamumuhian Ko ang malaking pulang dragon at si Satanas magpakailan pa man. Sasapit ang Aking pagkastigo sa lahat ng lumalaban sa Akin at wala kahit isang kaaway ang palalampasin. Nasabi Ko na noon, “Inilalagay Ko sa Sion ang isang malaking bato. Sa mga mananampalataya, ang batong ito ang saligan ng kanilang pagkabuo. Sa mga hindi nananampalataya, ito ang bato kung saan sila natitisod. Sa mga anak ng diyablo, ito ang bato na dumudurog sa kanila hanggang sa mamatay sila.” Hindi lang sa nasabi Ko na noon ang mga salitang ito, kundi naipropesiya na ang mga ito ng maraming tao at maraming tao na ang nakabasa sa siping ito ng mga salita sa kapanahunang ito. Bukod diyan, sinubukan na ng ilang tao na ipaliwanag ang mga salitang ito, pero wala pang sinuman ang nakapagsiwalat ng hiwagang ito noon, dahil ang gawaing ito ay ginagawa lamang sa kasalukuyang panahon ng mga huling araw. Kaya, bagama’t sinubukan na ng ilang tao na ipaliwanag ang mga salitang ito, ang kanilang mga paliwanag ay pawang maling kaisipan. Ngayon, ipinapamalas Ko sa inyo ang buong kahulugan upang malaman ninyo kung gaano kaseryoso ang Aking pagpapatotoo sa Aking mga panganay na anak, at ang Aking layunin sa paggawa nito. Inilalagay Ko sa Sion ang isang malaking bato, at ang batong ito ay tumutukoy sa Aking mga panganay na anak na pinatototohanan. Ang salitang “malaki” ay hindi nangangahulugan ng pagpapatotoo sa isang napakalaking antas, kundi sa halip na sa pagpapatotoo sa Aking mga panganay na anak, aatras ang napakaraming tagapagserbisyo. Dito, “ang mga hindi nananampalataya” ay tumutukoy sa mga umaatras dahil pinatotohanan ang Aking Anak. Samakatwid, ang bato ay batong katitisuran sa ganitong uri ng tao. Sinasabi Ko na bato ito dahil ang ganitong uri ng tao ay hahampasin ng Aking kamay, kung kaya ang “bato na nakatitisod sa mga tao” ay hindi sinasabi kaugnay sa pagkahulog o panghihina, kundi kaugnay sa pagkakahampas ng Aking kamay. Ang “mga mananampalataya” sa “sa mga mananampalataya, ang batong ito ang saligan ng kanilang pagkabuo” ay tumutukoy sa mga tagapagserbisyong iyon na tapat, at ang “saligan ng kanilang pagkabuo” ay tumutukoy sa biyaya at pagpapala na tatanggapin nila matapos nilang tapat na magserbisyo para sa Akin. Na napatotohanan ang mga panganay na anak ay nagpapahiwatig na malapit nang lumipas ang buong lumang panahon na ito; ibig sabihin, sumasagisag ito sa pagkawasak ng kaharian ni Satanas; samakatuwid, para sa mga walang pananampalataya, ito ang batong dumudurog sa kanila hanggang sa mamatay sila. Kaya ang pagbasag sa lahat ng bansa sa mga piraso ay tumutukoy sa ganap na pagpapanibago ng buong mundo; ang luma ay lilipas at ang bago ay itatatag—ito ang totoong kahulugan ng “pagbasag.” Nauunawaan ba ninyo? Maibubuod sa isang pangungusap lang na ito ang gawaing ginagawa Ko sa huling yugtong ito. Ito ang Aking kamangha-manghang gawa at dapat ninyong maarok ang Aking mga layuning napapaloob sa Aking mga salita.

Sinundan: Kabanata 117

Sumunod: Kabanata 119

Ang Pagpapakita at Gawain ng Diyos Ukol sa Pagkakilala sa Diyos Ang mga Diskurso ni Cristo ng mga Huling Araw Paglalantad sa mga Anticristo Ang mga Responsabilidad ng mga Lider at Manggagawa Ukol sa Paghahangad sa Katotohanan Ukol sa Paghahangad sa Katotohanan Ang Paghatol ay Nagsisimula sa Tahanan ng Diyos Mahahalagang Salita Mula sa Makapangyarihang Diyos, ang Cristo ng mga Huling Araw Araw-araw na mga Salita ng Diyos Ang mga Katotohanang Realidad na Dapat Pasukin ng mga Mananampalataya sa Diyos Sundan ang Kordero at Kumanta ng mga Bagong Awitin Mga Gabay para sa Pagpapalaganap ng Ebanghelyo ng Kaharian Naririnig ng mga Tupa ng Diyos ang Tinig ng Diyos Makinig sa Tinig ng Diyos  Masdan ang Pagpapakita ng Diyos Mahahalagang Tanong at Sagot tungkol sa Ebanghelyo ng Kaharian Mga Patotoong Batay sa Karanasan sa Harap ng Luklukan ng Paghatol ni Cristo (Volume I) Mga Patotoong Batay sa Karanasan sa Harap ng Luklukan ng Paghatol ni Cristo (Volume II) Mga Patotoong Batay sa Karanasan sa Harap ng Luklukan ng Paghatol ni Cristo (Volume III) Mga Patotoong Batay sa Karanasan sa Harap ng Luklukan ng Paghatol ni Cristo (Volume IV) Mga Patotoong Batay sa Karanasan sa Harap ng Luklukan ng Paghatol ni Cristo (Volume V) Mga Patotoong Batay sa Karanasan sa Harap ng Luklukan ng Paghatol ni Cristo (Volume VI) Mga Patotoong Batay sa Karanasan sa Harap ng Luklukan ng Paghatol ni Cristo (Volume VII) Mga Patotoong Batay sa Karanasan sa Harap ng Luklukan ng Paghatol ni Cristo (Volume VIII) Mga Patotoong Batay sa Karanasan sa Harap ng Luklukan ng Paghatol ni Cristo (Volume IX) Paano Ako Bumalik sa Makapangyarihang Diyos

Mga Setting

  • Teksto
  • Mga Tema

Mga Solidong Kulay

Mga Tema

Font

Font Size

Espasyo ng Linya

Espasyo ng Linya

Lapad ng pahina

Mga Nilalaman

Hanapin

  • Saliksikin ang Tekstong Ito
  • Saliksikin ang Aklat na Ito