I

Huwag masiraan ng loob, huwag manghina,

at gagawing malinaw ng Diyos

ang mga bagay-bagay para sa iyo.

Ang daan tungo sa kaharian ay ‘di gaanong patag;

walang gano’n kasimple!

Nais mong madaling dumating sa ‘yo

ang mga pagpapala, ‘di ba?

Ngayon, lahat ay haharap

sa mapapait na pagsubok.

Kung wala’ng mga gan’tong pagsubok,

puso n’yong nagmamahal sa Diyos, ‘di titibay

at ‘di kayo magkakaro’n

ng tunay na pag-ibig sa Kanya.

Kahit mga pagsubok na ‘to’y

binubuo lamang ng maliliit na pangyayari,

dapat lahat ay dumaan sa mga iyon;

ang antas ng kahirapan ng mga pagsubok

ay mag-iiba sa bawat tao.

Ito’y biyaya ng Diyos,

at ilan ba sa inyo’ng

humihingi ng pagpapala Niya?

Lagi n’yong iniisip na ang ilang mabubuting salita’y

pagpapala ng Diyos,

ngunit, ‘di ni’yo kinikilala’ng

kapaitan bilang Kanyang pagpapala.

II

Yaong nakikibahagi sa kapaitan ng Diyos

tiyak makikibahagi sa Kanyang katamisan.

Iyan ang pangako ng Diyos

at pagpapala Niya sa inyo.

Huwag mag-atubiling kaini’t inumin

at tamasahin ang salita ng Diyos.

Paglipas ng dilim, liwanag ay dumarating.

Pinakamadilim bago magbukang-liwayway;

tapos unti-unting nagliliwanag ang kalangita’t

araw ay sumisikat. Huwag matakot o mahiya.

Ang masunuri’t nagpapasakop

ay tatanggap ng mga dakilang pagpapala.

Sa iglesia, manindigan sa inyong patotoo,

itaguyod ang katotohanan;

ang tama ay tama, at ang mali ay mali.

Huwag malito sa itim at puti.

Dapat lumaban kay Satanas

at dapat lubusan ninyong magapi ito

upang ito’y ‘di na babangong muli.

Dapat lumaban kay Satanas

at dapat lubusan ninyong magapi ito

upang ito’y ‘di na babangong muli.

III

Dapat ninyong ibigay ang lahat

maprotektahan lang ang patotoo ng Diyos.

Ito’ng dapat na layon ng mga kilos niyo—

huwag kalimutan ito.

Ngunit ngayon, kayo’y kulang

sa pananampalataya’t

kakayahang makita’ng pagkakaiba

ng mga bagay-bagay

at ‘di maunawaan ang

mga salita’t layunin ng Diyos.

Pero, huwag mag-alala;

lahat ay nagpapatuloy

ayon sa mga hakbangin ng Diyos.

Gumugol ng higit na panahon

sa harapan ng Diyos,

huwag bigyang-halaga’ng pagkai’t kasuotan.

Madalas na hanapin ang mga layunin ng Diyos,

at malinaw Niyang ipakikita sa iyo

kung ano ang mga iyon.

Unti-unti mong masusumpungan

ang mga layunin ng Diyos sa lahat ng bagay,

kaya makagagawa Siya sa lahat

nang walang hadlang.

Ito’y magbibigay-kasiyahan sa Kanyang puso,

at kalooban Niya’y matutupad.

Ito’y magbibigay-kasiyahan sa Kanyang puso,

at kalooban Niya’y matutupad.

Hango sa Ang Salita, Vol. I. Ang Pagpapakita at Gawain ng Diyos. Mga Pagbigkas ni Cristo sa Pasimula, Kabanata 41