Ako ang Una, at Ako ang Huli. Ako rin ang muling nabuhay at ganap na nag-iisang tunay na Diyos. Binibigkas Ko ang Aking mga salita sa inyo, sa inyong presensiya, at dapat ninyong matiyak na totoo ang sinasabi Ko. Maaaring lumipas ang langit at lupa pero walang kahit isang titik o kudlit ng sinasabi Ko ang lilipas kailanman. Tandaan ito! Tandaan ito! Sa oras na binigkas Ko na ito, wala ni isang salita ang binawi na kailanman, at matutupad ang bawat isa. Dumating na ang panahon ngayon, at dapat kayong agad-agad na pumasok sa realidad. Wala nang gaanong nalalabing panahon. Pangungunahan Ko ang Aking mga anak sa maluwalhating kaharian, at malapit nang matutupad ang mga hinangad at pinanabikan ninyo. Aking mga anak! Dali-daling tumayo at sumunod sa Akin! Wala nang panahon para pag-isip-isipan pa ninyo ito. Hindi na kailanman babalik ang panahong lumipas; mayroong liwanag pagkatapos ng kadiliman, at nasa harapan na ninyo ang sandali ng pagdadala paitaas. Nauunawaan ba ninyo? Buksan ninyo ang inyong mga mata! Maging mapagbantay agad! Hindi kayo pinahihintulutan ngayon, habang nakikipagbahaginan sa isa’t isa, na makisali sa walang saysay na pagdadaldalan o magsabi ng anumang bagay na walang pakinabang sa pagtatayo ng iglesia. Ang mahalaga ay ang tustusan mo ang iyong mga kapatid ng iyong mga praktikal na karanasan o salaysay kung paano ka tinanglawan sa harapan ng Diyos at ang kilalanin ang inyong sarili. Sinumang kayang magtustos ng mga ito ay magkakaroon ng tayog! Ngayon, ang ilan sa inyo ay hindi pa rin natatakot, at anuman ang sabihin Ko o gaano man Ako mag-alala, nananatili kang walang takot; hindi pinapayagan ng dati mong sarili na mahawakan ito ni bahagya. Puwes, magpatuloy ka lang nang ganyan! Tingnan lang natin kung sino ang mapapahamak! Palagi mong gustong hawakan ang mundo, nakatali sa kayamanan at nakatali sa iyong mga anak na lalaki, mga anak na babae, at mister. Buweno, puwede kang magpatuloy na lang na nakatali! Hindi naman sa hindi pa natalakay sa inyo ang Aking mga salita, at puwede kayong magpatuloy na lang sa paanumang gusto ninyo! Sa nalalapit na hinaharap, mauunawaan ninyo ang lahat, pero magiging huli na ang lahat noon. Ang tanging naghihintay sa inyo ay paghatol.