I

Labis na pinagpala ang mga nagmamahal sa Diyos;

tinatamasa nila ang gawain at patnubay ng Banal na Espiritu.

Habang binabasa ang mga salita ng Diyos, naliliwanagan at natatanglawan sila;

lumiliwanag ang mga puso nila't may landas silang masusundan.

Naghihimagsik sila laban sa laman at iniiwan nila ang sekular na mundo;

kayligayang mamuhay sa harap ng Diyos.

Nang may pagsasaalang-alang sa puso ng Diyos,

ginagampanan nang maayos ang tungkulin nila,

masaya't payapa ang espiritu nila.

Labis na pinagpala ang mga nagmamahal sa Diyos;

madalas sumasakanila ang paghatol at pagkastigo.

Habang tinatanggap ang paghatol, nalilinis sila, nalilinis sila,

at nagdadala ng luwalhati sa Diyos ang mga pagbabago sa kanilang disposisyon.

Labis na pinagpala ang mga nagmamahal sa Diyos;

ang pagsunod sa kalooban Niya'y itinuturing nilang bokasyong panglangit.

Isinasagawa ang katotohanan at nagpapasakop sa Diyos,

may takot sila sa Diyos at namumuhay sa liwanag.

Labis na pinagpala ang mga nagmamahal sa Diyos;

II

Labis na pinagpala ang mga nagmamahal sa Diyos;

natatanggap nila ang mga pagsubok at pagpeperpekto Niya.

Kasama Siya sa kanilang tabi sa sakit at paghihirap,

natitikman nila kung gaano katotoo ang Kanyang pag-ibig.

Sa pagtakas mula sa impluwensiya ni Satanas,

sila ay nakikiisa sa Diyos sa puso at isipan.

Sa pamamagitan ng pagpipino, mas nagiging dalisay ang pagmamahal nila,

dinadakila nila ang Diyos at nagpapatotoo sa Kanya magpakailanman.

Labis na pinagpala ang mga nagmamahal sa Diyos;

nagpapasailalim sila sa mga pagsasaayos Niya sa hirap at ginhawa.

Matapat silang sumusunod sa Diyos hanggang sa kamatayan

at ginugugol nila ang kanilang buong buhay para sa Kanya.

Labis na pinagpala ang mga nagmamahal sa Diyos;

Siya'y sinasamba nila nang may puso at katapatan.

Sila'y nagiging kapalagayang-loob Niya,

tumatanggap ng mga pangako't pagpapala Niya.

Labis na pinagpala ang mga nagmamahal sa Diyos.