Noong 1995, ang gawain ng pagpapatotoo sa ebanghelyo ng kaharian ng Makapangyarihang Diyos ay pormal na sinimulan sa Mainland China. Sa pamamagitan ng ating pasasalamat sa Diyos at may tunay na pagmamahal, nagpatotoo tayo sa pagpapakita at gawain ng Makapangyarihang Diyos sa mga kapatid na lalaki at babae sa iba’t ibang denominasyon at sekta. Hindi natin inasahang dumanas ng matinding pagkalaban at paninirang-puri mula sa kanilang mga pinuno. Ang tangi nating magagawa ay lumapit sa Makapangyarihang Diyos upang taimtim na manalangin, na nagsusumamong personal na magtrabaho ang Diyos. Mula noong 1997, namasdan naming magtrabaho nang malawakan ang Banal na Espiritu. Mabilis na dumami ang mga miyembro ng mga iglesia sa iba’t ibang lugar. Kasabay nito, maraming tanda at kababalaghan ang nangyari, at maraming tao sa iba’t ibang denominasyon at sekta ang bumalik sa Makapangyarihang Diyos dahil tumanggap sila ng mga pagbubunyag mula sa Diyos o nakita nila ang mga tanda at kababalaghang ito. Kung hindi nagtrabaho ang Banal na Espiritu, ano ang magagawa ng tao? Dahil dito natanto natin na: Bagama’t naunawaan natin ang ilang katotohanan, hindi tayo makapagpatotoo tungkol sa Makapangyarihang Diyos sa pamamagitan lamang ng ating sariling lakas. Matapos tanggapin ng mga taong ito mula sa iba’t ibang denominasyon at sekta ang Makapangyarihang Diyos, unti-unti nilang natiyak ang Makapangyarihang Diyos sa kanilang puso sa pamamagitan ng pagkain at pag-inom at pagkalugod sa salita ng Makapangyarihang Diyos, at pagkaraan ng kaunting panahon, nagkaroon sila ng tunay na pananampalataya at pagsunod. Kaya ang mga tao mula sa lahat ng denominasyon at sekta ay dinala sa harapan ng luklukan, at hindi na inasahang “salubungin ang Panginoon sa hangin ” tulad ng kanilang naisip.

Simula nang magsimulang lumaganap ang ebanghelyo ng kaharian, pinaghahanap at malupit na kaming pinahihirapan ng pamahalaang China. Ang mas nakapanlulumo pa, nilait din kami, pinaratangan, hinatulan, at tinanggihan ng Iglesiang Katolika at lahat ng denominasyon at sektang Kristiyano. Lubha kaming nabagabag nito, at sumandali pang natigil ang gawain ng ebanghelyo. Naharap sa gayong sitwasyon, hindi namin malaman ang gagawin; para kaming kinubkob sa lahat ng panig. Kasabay nito, labis pa kaming pinagalitan: Nagtamasa kami ng napakadakilang kaligtasan mula sa Diyos at naunawaan namin ang napakaraming katotohanan, ngunit hindi namin maipalaganap ang ebanghelyo. Talagang hindi kami nararapat na maging mga saksi ng Diyos, at talagang nabigo kaming mamuhay ayon sa Kanyang utos. Sa estadong ito ng isipan, nadama naming lahat na nabigo kami sa aming tungkulin, hindi namin alam kung anong landas ang tatahakin, at hindi namin alam kung paano magsusulit sa Diyos—paano pa kaya namin malalaman kung paano haharapin ang mga pangaral at pagtitiwalang ibinigay sa amin ng Diyos. Hindi alam ang gagawin, nadama pa rin namin na tinatawag kami ng puso ng Diyos at ang lahat ng tupa na nais Niyang makuha. Kaya nga, lahat kami ay humarap sa Diyos nang may pagkakautang, kasalanan, at uhaw na manalangin sa Diyos at ibuhos ang nilalaman ng aming mga puso sa Diyos: “Diyos! Nawa’y Iyong bigyan kami ng lakas at pagkalooban kami ng karunungan, para matagpuan namin ang lahat ng Iyong tupa. Nawa’y matupad sa amin ang Iyong kalooban at maipalaganap ang Iyong ebanghelyo. Nawa’y maghatid ng mas maraming tao ang Iyong salita sa Iyong tahanan. Basta’t maipalaganap namin ang Iyong ebanghelyo, handa kaming sumailalim sa mas mabigat na pagdurusa, kahit isakripisyo pa namin ang aming buhay. Dalangin lang namin na bigyan Mo kami ng higit na lakas. Handa kaming makipagtulungan sa Iyong patnubay sa bawat hakbang. O Diyos, dahil kami ay maliit at kami ay mahina, hindi namin kayang kumpletuhin nang madali ang Iyong utos. Nawa’y talian Mo ang masasamang puwersang humahadlang sa pagpapalaganap ng Iyong ebanghelyo, isumpa ang mga kampon ng diyablo na hindi sa Iyo, alisin ang lahat ng sagabal na nakahadlang sa pagpapalaganap ng Iyong ebanghelyo, at buksan ang daan para matakasan namin ito.” Naniwala kami na nakarating sa pandinig ng Diyos ang aming mga dalangin, dahil ang aming hiling ay ayon sa kalooban ng Diyos at para sa kapakanan ng kalooban ng Diyos. Hindi nagtagal, talagang nagsagawa ang Diyos ng dakilang gawain, na nagdulot ng napakalaking katuwaan at galak na hindi pa namin nadama kailanman. Nagkaloob ang Diyos ng karunungan sa amin at binigyan kami ng pananampalataya at lakas, para mabilis na lumaganap ang gawain ng ebanghelyo at naabot ang rurok nito. Alam ng bawat isa sa amin, at higit pa riyan, naniwala kami, na ito ay mabuting balita na inihatid sa amin ng Diyos, at na ito rin ang pagpapalakas ng loob at gantimpala sa amin ng Diyos. Ang pagdurusang naranasan namin ay ginantihan. Sa kaibuturan ng aming puso, lalo naming pinasalamatan ang tunay na kahulugan ng mga salitang: “Tanging ang Diyos Mismo ang makakagawa ng Kanyang sariling gawain.” Hindi ginawang mahirap ng Diyos ang mga bagay-bagay para sa amin, at lalong hindi Niya kami pinahiya. Binigyan lang Niya kami ng ilang maliliit na pagsubok sa simula. Masaya naming pinasalamatan ang patnubay, tulong, at malasakit at proteksyon ng Diyos mula sa kaibuturan ng aming puso. Kasabay nito, nakita rin namin ang kadakilaan ng mga gawa at karangalan ng disposisyon ng Diyos; higit pa riyan, nakita namin ang pagkamatuwid ng Diyos at ang hindi Niya pagpaparaya sa kasalanan ng tao, sapagkat kasabay ng pagliligtas sa tao, pinarusahan din ng Diyos ang maraming kaaway na kumalaban sa Kanya. Kasama sa mga pinuno ng lahat ng denominasyon sa 24 na probinsya at munisipal na lungsod sa buong Mainland China, may karaniwang mga kaso ng mga tao na pinarurusahan dahil sa pagalit na paglaban, pagsumpa, at paglapastangan sa Makapangyarihang Diyos. Ang bilang ay napakalaki kaysa sa mga taong pinarusahan dahil sa pagkalaban sa gawain ng Diyos noong Kapanahunan ng Kautusan. Makikita na, sa mga huling araw, sumailalim ang sangkatauhan sa labis na katiwalian, at naging mas masidhi sa pagkalaban niya sa Diyos. Napakaraming tao ang naparusahan at napuksa, na lubos na nagsakatuparan sa propesiya sa Biblia na “Marami ang mga tinawag, datapuwa’t kakaunti ang mga nahirang.” Kung hindi nagsagawa ng dakilang gawain ang Banal na Espiritu, mawawalan ng kapangyarihan ang tao na isagawa ang gawain ng pagpapalaganap ng ebanghelyo ng kaharian. Mula simula hanggang wakas, ang gawain ng Diyos at ang gawain ng pagpapalaganap ng ebanghelyo ng kaharian ay nagtiis ng galit na pagkalaban at malupit na pagpapahirap ng naghaharing Chinese Communist Party, ang malaking pulang dragon. Hindi kukulangin sa isang daang libong tao mula sa Iglesia ng Makapangyarihang Diyos ang inaresto at ibinilanggo, at nagtiis ng lahat ng uri ng paninira at pahirap. Napakaraming tao ang pinaghahanap at labis na pinahirapan ng Chinese Communist Party; hindi makauwi, patuloy lang silang gumugol para sa Diyos. Napakaraming tao ang tiniktikan at hindi nagawa ang kanilang tungkulin. Napakaraming kinontrol ng Chinese Communist Party at hindi makalabas ng kanilang tahanan. … Sa pagkalaban at paninira sa gawain ng Diyos, nagamit ng rehimen ng malaking pulang dragon ang lahat ng uri ng napakasamang paraan at gumamit ng maraming tao at malalaking halaga. Sa kabila ng pagsaid sa kasamaan at lihim na paninira, hindi nito mapapatigil kailanman ang tulin ng gawain ng Diyos. Minamaniobra ng Diyos ang lahat ng bagay na nakakatulong sa pagsasakatuparan ng Kanyang kalooban. Ang malaking pulang dragon ay lubos na sumasailalim sa pagsasaayos ng Diyos, minamanduhan ng Diyos hanggang sa lubos itong malito, at hindi na makatakas. Napakaraming beses, ang malaking pulang dragon ay muntik-muntikan nang arestuhin ang lahat ng tao sa buong bansa, ngunit ang plano nito ay pinutol ng kaayusan ng Diyos; napakaraming beses, ginusto ng malaking pulang dragon na iunat ang kanyang mga kamay upang patigilin ang Iglesia ng Makapangyarihang Diyos, ngunit hindi ito nagtagumpay; napakaraming beses, tinangka ng malaking pulang dragon na mas sikaping patigilin ang gawain ng Diyos, ngunit sumailalim ito sa kapangyarihan at pagmamaniobra ng Diyos. Sa gayong mga pagkakataon galit na galit ang malaking pulang dragon, ngunit wala itong mga planong maisagawa. Kaya kinailangan nitong aminin na minamalas ito—hindi tumutulong ang Langit! Talagang ang Langit na iyon ang nagwawasak sa Chinese Communist Party! Mula sa pagpapalaganap ng ebanghelyo ng kaharian, namasdan natin ang pagiging makapangyarihan sa lahat ng Diyos: Gaano man kabangis ang mga puwersa ni Satanas at magtulung-tulong man sila para kalabanin ang gawain ng Diyos, mawawalan iyon ng kabuluhan. Sa loob lang ng sampung taon o mahigit pa, lumaganap na ang ebanghelyo ng kaharian sa buong Mainland China. Lumaganap na ang salita ng Diyos at pangalan ng Diyos sa daan-daang milyong sambahayan, at milyun-milyong tao ang nagtataglay ng pangalan ng Makapangyarihang Diyos. Sa iba’t ibang denominasyon sa Mainland China, karamihan sa kanila na naghahanap sa katotohanan at tunay na naghahanap sa Diyos ay nagbalik na sa harapan ng Makapangyarihang Diyos. Milyun-milyong tao ang nalulugod sa salita ng Makapangyarihang Diyos, tumatanggap sa gawain at pagliligtas ng Diyos, at pumupuri sa magagandang gawa ng Diyos. Gumawa na ang Diyos ng isang grupo ng mga mananagumpay sa China at nagkaroon na ng isang grupo ng mga tao na kaisa Niya sa puso’t isipan. Nabuksan nito ang landas para sa pagpapakita ng Diyos sa publiko. Sa wakas ay maluwalhati ring natapos ang gawain ng Diyos. Nagsimula nang kastiguhin ng Diyos ang malaking pulang dragon, at pagkaraan ay magpapakita Siya sa publiko sa bawat bansa at lugar sa mundo.

Noong 1992, ang Makapangyarihang Diyos—si Cristo ng mga huling Araw—ay pormal na nagsimulang iparinig ang Kanyang tinig at mangusap sa likas na pagkakakilanlan ng Diyos. Nagpahayag na Siya ng milyun-milyong salita at lubusang nalupig at nailigtas ang hinirang na mga tao ng Diyos sa China. Sumunod doon ang mabilis na paglawak ng patotoo sa gawain ng Diyos sa mga huling araw sa Mainland China, at pumatnubay ang gawain ng Banal na Espiritu sa hinirang na mga tao ng Diyos. Napakaraming tao mula sa iba’t ibang denominasyon ang nalupig ng salita ng Diyos, at kinilala na lubos silang nakumbinsi ng buong salita ng Diyos. Sa wakas ay narinig ng mga tupa ng Diyos ang tinig ng Diyos at nagbalik sila sa harapan ng Diyos. Sa panahong ito, nagsagawa ang Banal na Espiritu ng maraming tanda at kababalaghan, na pumatnubay sa hinirang na mga tao ng Diyos sa pagbalik sa bahay ng Makapangyarihang Diyos mula sa iba’t ibang denominasyon. Nang bumalik ang hinirang na mga tao ng Diyos sa paglipas ng mga araw, lahat ng denominasyon ay gumuho at naglaho, at parang nalinis nang husto ang buong mundo ng mga relihiyon.

Sa paglaganap ng ebanghelyo ng kaharian, lahat ng uri ng diyablo at anticristo na kumalaban sa Diyos ay tumanggap ng angkop na parusa ng Makapangyarihang Diyos. Kaya nakita ng mga tao ang katapusan ng pagkalaban sa Diyos. Tinangka ng malaking pulang dragon na sakalin at alisin ang gawain ng Diyos, ngunit sa huli ay nabigo ito. Lahat ng puwersa ng kasamaan na kumalaban sa Diyos ay lubusang napahiya, at nabigo. Sa huli ay natapos ng malaking pulang dragon ang paglilingkod nito at nagsimulang tanggapin ang parusa ng Diyos. Minsa’y sinabi ng Makapangyarihang Diyos: “Talaga bang namumuhi kayo sa malaking pulang dragon? Talaga bang tunay ninyong kinamumuhian ito? Bakit ba napakaraming beses Ko na kayong natanong? Bakit Ko ba palaging itinatanong sa inyo ang bagay na ito, nang paulit-ulit? Anong imahe ng malaking pulang dragon ang nasa inyong puso? Talaga bang naalis na ito? Talaga bang hindi ninyo ito itinuturing na inyong ama? Dapat mahiwatigan ng lahat ng tao ang layunin Ko sa Aking mga tanong. Hindi ito para pukawin ang galit ng mga tao, ni hindi para mag-udyok ng paghihimagsik sa tao, ni hindi para matagpuan ng tao ang kanyang sariling daan palabas, kundi para tulutan ang lahat ng tao na palayain ang kanilang sarili mula sa pagkaalipin ng malaking pulang dragon. Subalit hindi dapat mag-alala ang sinuman. Lahat ay maisasakatuparan sa pamamagitan ng Aking mga salita; walang sinumang tao ang maaaring makibahagi, at walang taong makakagawa ng gawaing Aking isasagawa. Lilinisin Ko ang hangin sa lahat ng lupain at pupuksain Ko ang lahat ng bakas ng mga demonyo sa lupa. Nagsimula na Ako, at uumpisahan Ko ang unang hakbang ng Aking gawain ng pagkastigo sa tirahan ng malaking pulang dragon. Kaya makikita na sumapit na ang Aking pagkastigo sa buong sansinukob, at na ang malaking pulang dragon at lahat ng uri ng mga karumal-dumal na espiritu ay mawawalan ng lakas na takasan ang Aking pagkastigo, sapagkat sinisiyasat Ko ang lahat ng lupain. Kapag natapos na ang Aking gawain sa lupa, ibig sabihin, kapag nagwakas na ang panahon ng paghatol, pormal Kong kakastiguhin ang malaking pulang dragon. Makikita ng Aking mga tao ang matuwid Kong pagkastigo sa malaking pulang dragon, siguradong magbubuhos sila ng papuri dahil sa Aking pagkamatuwid, at siguradong pupurihin nila ang Aking banal na pangalan magpakailanman dahil sa Aking pagkamatuwid. Dahil dito ay pormal ninyong gagampanan ang inyong tungkulin, at pormal ninyo Akong pupurihin sa buong lupain, magpakailan pa man!

Kapag ang panahon ng paghatol ay umabot na sa rurok nito, hindi Ko mamadaliin ang pagtapos sa Aking gawain, kundi isasama Ko rito ang katibayan ng panahon ng pagkastigo at tutulutan Kong makita ng lahat ng tao Ko ang katibayang ito; dito lalabas ang mas malaking bunga. Ang katibayang ito ang kaparaanang gagamitin Ko sa pagkastigo sa malaking pulang dragon, at hahayaan Kong mamasdan ito ng Aking mga tao sa sarili nilang mga mata upang mas malaman nila ang Aking disposisyon. Ang panahon na matatamasa Ako ng Aking mga tao ay kapag kinastigo ang malaking pulang dragon. Ang pag-udyok sa mga tao ng malaking pulang dragon na tumindig at mag-alsa laban dito ay Aking plano, at ito ang pamamaraang ginagamit Ko upang gawing perpekto ang Aking mga tao, at magandang pagkakataon ito upang lumago sa buhay ang lahat ng tao Ko” (Ang Salita, Vol. I. Ang Pagpapakita at Gawain ng Diyos. Mga Salita ng Diyos Para sa Buong Sansinukob, Kabanata 28).

Ang pagpapalaganap ng ebanghelyo ng kaharian ay umabot sa walang-kapantay na kalagayan. Milyun-milyong tao ang nagtaglay ng pangalan ng Makapangyarihang Diyos. Ang pangalan ng Makapangyarihang Diyos ay lumaganap sa buong Mainland China, at ang mga iglesia ng Makapangyarihang Diyos ay lumitaw sa bawat probinsya at rehiyon. Lahat ng tumanggap sa gawain ng Makapangyarihang Diyos ay nalulugod sa patnubay ng salita ng Diyos at nararanasan ang gawain ng pagliligtas ng Diyos. Gaya ng sinasabi ng Makapangyarihang Diyos: “Sa buong sansinukob ay ginagawa Ko ang Aking gawain, at sa Silangan, walang humpay ang mga pagdagundong ng mga tunog, niyayanig ang lahat ng bansa at denominasyon. Ang Aking mga pagbigkas ang umakay sa lahat ng tao patungo sa kasalukuyang panahon. Idinudulot Ko na malupig ng Aking mga pagbigkas ang lahat ng tao, na mahulog sa daloy na ito, at na magpasailalim sa Aking harapan, sapagkat matagal Ko nang binawi ang Aking kaluwalhatian mula sa buong mundo at muli itong inilabas sa Silangan. Sino ang hindi nasasabik na makita ang Aking kaluwalhatian? Sino ang hindi balisang umaasa sa Aking pagbabalik? Sino ang hindi nauuhaw sa Aking muling pagpapakita? Sino ang hindi nag-aasam sa Aking pagiging kaibig-ibig? Sino ang hindi lalapit sa liwanag? Sino ang hindi makakakita sa kasaganaan ng Canaan? Sino ang hindi nananabik sa pagbabalik ng Manunubos? Sino ang hindi humahanga sa Kanya na nagtataglay ng dakilang kapangyarihan? Ang Aking mga pagbigkas ay ipapakalat sa buong mundo; higit Akong bibigkas at magsasabi ng mga salita sa Aking mga hinirang na tao, gaya ng isang malakas na kulog na yumayanig sa mga bundok at ilog, sinasambit Ko ang Aking mga salita sa buong sansinukob at sa sangkatauhan. Kaya naman ang mga salita sa Aking bibig ay naging yaman na ng tao, at itinatangi ng lahat ng tao ang Aking mga salita. Nagliliwanag ang kidlat mula sa Silangan hanggang sa Kanluran. Gayon na lamang ang mga salita Ko, na ayaw mahiwalay ng mga tao sa mga ito, at ang mga ito ay hindi rin maaarok ng tao, at higit pa rito, nagdudulot ito ng kagalakan sa mga tao. Tulad ng mga bagong silang na sanggol, natutuwa at nagagalak ang lahat ng tao, at ipinagdiriwang ang Aking pagparito. Sa pamamagitan ng Aking mga pagbigkas, dadalhin Ko ang lahat ng tao sa Aking harapan. Pagkatapos niyon, pormal Akong papasok sa gitna ng mga tao, at nang sa gayon, sila ay lumapit para magpatirapa sa Akin. Taglay ang kaluwalhatiang lumalabas sa Akin at ang mga salita mula sa Aking bibig, humaharap sa Akin ang lahat ng tao, at nakikita nila na nagliliwanag ang kidlat mula sa Silangan, na bumaba na rin Ako sa ‘Bundok ng mga Olibo’ sa Silangan, at na matagal na Akong pumarito sa lupa, at na hindi na Ako ang Anak ng mga Hudyo, kundi ang Kidlat ng Silanganan. Sapagkat matagal na Akong nabuhay na muli, at lumisan mula sa gitna ng sangkatauhan, at pagkatapos ay muli Akong nagpakita nang may kaluwalhatian sa gitna ng mga tao. Ako ang Siyang sinamba sa loob ng di-mabilang na panahon bago pa ang ngayon, at Ako rin ang sanggol na tinalikuran ng mga Israelita sa loob ng di-mabilang na panahon bago pa ang ngayon. Higit pa rito, Ako ang puno-ng-kaluwalhatiang Makapangyarihang Diyos ng kasalukuyang panahon! Hayaang lumapit ang lahat sa Aking luklukan at makita ang Aking maluwalhating mukha, marinig ang Aking mga pagbigkas, at makita ang Aking mga gawa. Ito ang kabuuan ng Aking layunin; ito ang wakas at kasukdulan ng Aking plano, gayon din ang layunin ng Aking pamamahala: ang bigyang karangalan Ako ng di-mabilang na nasyon, kilalanin Ako ng di-mabilang na bibig, ang pagkatiwalaan Ako ng di-mabilang na tao, at sumuko sa Akin ang di-mabilang na mga taong hinirang Ko!” (Ang Salita, Vol. I. Ang Pagpapakita at Gawain ng Diyos. Dumadagundong ang Pitong Kulog—Nagpopropesiya na ang Ebanghelyo ng Kaharian ay Lalaganap sa Buong Sansinukob).

Sa wakas ay maluwalhati ring natapos ang gawain ng Diyos sa Mainland China . Malapit nang magpakita ang Diyos sa publiko sa bawat bansa at lugar. Yaong nasa bawat bansa at lugar na nanabik sa pagpapakita ng Diyos ay hindi pinangarap kailanman na ang Diyos na pinanabikan nilang magpakita sa publiko ay lihim nang pumarito sa China at nagsagawa ng isang yugto ng gawain ng paglupig at pagliligtas. Napakaraming tao pa rin ang sumusumpa sa gawain ng Diyos sa China, at napakaraming tao pa rin ang lumalapastangan laban sa gawain ng Banal na Espiritu roon. Kapag nagpakita ang Diyos sa publiko, saka lamang sila magigising mula sa isang panaginip, at mapupuspos ng taos na pagsisisi: Hindi ko pinangarap kailanman na ang Makapangyarihang Diyos na aking kinalaban ay ang mismong Panginoong Jesus na muling pumarito. Ngunit maaari lang silang humagulgol at magngalit ang kanilang mga ngipin. Lubos na naisakatuparan nito ang mga salita ng Pahayag sa Biblia: “Narito, Siya ay pumaparitong nasasa mga alapaap; at makikita Siya ng bawat mata, at ng nangagsiulos sa Kanya; at ang lahat ng mga angkan sa lupa ay magsisitaghoy dahil sa Kanya” (Pahayag 1:7). Ang paghatol ng malaking luklukang maputi ay nagsimula na sa wakas.

Sabi ng Makapangyarihang Diyos: “Sa kaharian, ang lahat ng bagay ay nagsisimulang muling mabuhay at mabawi ang kanilang lakas sa buhay. Dahil sa mga pagbabago sa kalagayan ng daigdig, ang mga hangganan sa pagitan ng isang lupain at ng isa pa ay nagsisimula ring gumalaw. Nagpropesiya na Ako na kapag ang lupain ay nahiwalay sa lupain, at ang lupain ay sumama sa lupain, ito ang panahon na dudurugin Ko ang bawat bansa nang pira-piraso. Sa panahong ito, paninibaguhin Ko ang lahat ng bagay at hahati-hatiing muli ang buong sansinukob, sa gayon ay maisasaayos ang sansinukob at ang luma ay magiging bago—ito ang Aking plano at ito ang Aking mga gawa. Kapag bumalik na ang bawat bansa at ang bawat taong hinirang Ko sa harap ng Aking luklukan, ipagkakaloob Ko na ang lahat ng kasaganaan ng langit sa mundo ng tao, upang, dahil sa Akin, ang mundong iyon ay mapuno ng walang-kapantay na kasaganaan. Habang umiiral ang lumang mundo, ipupukol Ko ang Aking poot sa bawat bansa at ipapahayag ang mga atas administratibo na naisapubliko sa buong sansinukob, at kakastiguhin ang sinumang lumalabag sa mga ito:

Kapag nagsasalita Ako sa buong sansinukob, naririnig ng lahat ng tao ang Aking tinig, ibig sabihin, nakikita ng lahat ng tao ang lahat ng gawa na isinakatuparan Ko sa buong sansinukob. Yaong mga sumasalungat sa Aking mga layunin, ibig sabihin, yaong mga kumokontra sa Akin gamit ang mga gawa ng tao, ay babagsak sa gitna ng Aking pagkastigo. Gagawin Kong panibago ang napakaraming bituin sa kalangitan; at dahil sa Akin, ang araw at ang buwan ay mapapanibago, ang kalangitan ay hindi na gaya ng dati; at lahat ng bagay sa lupa ay mapapanibago—maisasakatuparan ang lahat ng ito dahil sa Aking mga salita. Ang lahat ng bansa sa loob ng sansinukob ay muling hahati-hatiin at mapapalitan ng Aking kaharian, upang ang mga bansa sa ibabaw ng lupa ay maglaho magpakailanman, at ang matitira lang ay ang kaharian na sumasamba sa Akin; lahat ng bansa sa lupa ay mawawasak at titigil sa pag-iral. Sa mga tao sa loob ng sansinukob, ang lahat ng sa mga diyablo ay lilipulin. Ang lahat ng sumasamba kay Satanas ay babagsak sa gitna ng Aking naglalagablab na apoy—ibig sabihin, maliban doon sa mga nasa loob ng daloy, lahat ay magiging abo. Kapag kinakastigo Ko ang bawat lahi ng tao, ang mga relihiyosong komunidad, sa iba’t ibang antas, ay babalik sa Aking kaharian, at malulupig sa pamamagitan ng Aking mga gawa, dahil nakita na nila na dumating na ‘ang Banal na nakasakay sa isang puting ulap’. Lahat ng tao ay mabubukod-bukod ayon sa kanilang uri, at tatanggap ng iba’t ibang pagkastigo na nararapat sa kanilang mga kilos; ang lahat ng lumaban sa Akin ay mamamatay, at, yaon namang ang kanilang mga gawa sa lupa ay walang kinalaman sa Akin, dahil sa kanilang naging pag-uugali, sila ay patuloy na iiral sa lupa sa ilalim ng pamamahala ng Aking mga anak at Aking mga tao. Magpapakita Ako sa di-mabilang na mga bansa at tao, at ipapahayag Ko ang sarili Kong tinig sa lupa, ipinoproklama ang pagkumpleto ng Aking dakilang gawain, tinutulutan ang lahat ng tao na makita ito gamit ang sarili nilang mga mata” (Ang Salita, Vol. I. Ang Pagpapakita at Gawain ng Diyos. Mga Salita ng Diyos Para sa Buong Sansinukob, Kabanata 26).