Sa pagtatangka nitong puksain ang Ang Iglesia ng Makapangyarihang Diyos at tuluyang lipulin ang mga Kristiyano, palaging naglulunsad ang CCP ng mga malawakang pang-aaresto at kampanya ng pag-uusig. Nirerekrut din nito ang mga tambay sa laylayan ng lipunan, kabilang ang mga lokal na siga at maton, para tumulong sa pang-aaresto sa mga Kristiyano, at ginagamit ang mga community worker para subaybayan at manmanan ang mga ito nang pangmatagalan. Bukod pa rito, nag-aalok ang CCP ng malalaking pabuya para pakilusin ang masa na magsuplong at tumulong sa pag-aresto ng mga Kristiyano. Sa buong bansa, inudyukan at nalinlang nila ang publiko na maglunsad ng isang "digmaan ng bayan" kung saan ang mga Kristiyano mula sa Ang Iglesia ng Makapangyarihang Diyos ay isinusuplong, sinusupil, at inuusig. Para makaiwas sa walang-habas na pag-aresto ng CCP, pati na rin sa pagmamanman at pagsuplong ng publiko, napipilitan ang mga Kristiyano na magpalipat-lipat ng lugar para magtago at nakakapagdaos lang ng mga lihim na pagtitipon sa maliliit na grupo ng dalawa o tatlo. Para sumunod sa Diyos at magawa ang tungkulin nila, maraming Kristiyano ang kinailangang magpaalam sa mga mahal nila sa buhay at lisanin ang kanilang mga bayan. May mga tumatakas patungo sa ibang mga rehiyon, habang ang iba naman ay tumatakas papunta sa ibayong dagat pagkatapos ng maraming pagsubok. Lahat sila ay namumuhay ng buhay ng paglikas at pagpapagala-gala gamit ang ibang pagkakakilanlan. Gayumpaman, hindi laging madali ang pagtakas sa ibayong dagat para sa mga Kristiyanong ito. May mga bumabalik sa Tsina dahil hindi sila makahanap ng trabaho para mabuhay, ang iba naman ay dahil nabigo ang mga aplikasyon nila para sa asylum, at ang iba naman ay dahil hindi sila makapagtrabaho dahil malubha ang kanilang sakit. Ano ang haharapin nila pagbalik nila sa Tsina? Ano ang naghihintay sa kanila? Sa episode na ito, kakapanayamin natin ang dalawang Kristiyanong tumakas sa ibayong dagat pero kalaunan ay bumalik din. Sa pamamagitan ng mga kuwento nila, alamin natin ang ilang katotohanan ng malupit na pag-uusig na hinaharap ng mga Kristiyano pagbalik nila.

00:22 Mga Tampok na Bahagi

03:33 Inaresto at Ininteroga si Li Ran Pagbalik sa Tsina

09:23 Matapos Makaiwas sa Pagkakakulong Dahil sa Malubhang Altapresyon, Tumakas si Li Ran Hindi Nagtagal Pagkauwi sa Bahay

10:33 Dahil Nabigong Maaresto si Li Ran sa Bahay, Kinuha ng mga Pulis ang Asawa Niya

14:00 Dinala si Yang Jing ng mga Pulis para Tanungin at Interogahin Pagkababa Niya ng Eroplano

17:34 Habang Naka-Hotel Quarantine, Walang Tigil na Nililigalig ng mga Pulis si Yang Jing sa Telepono Tungkol sa Panahon Niya sa Ibayong Dagat

19:50 Natapos ang Quarantine; Ininteroga at Binantaan Ulit si Yang Jing ng mga Pulis Bago Bumalik sa Kanyang Bayan

23:36 Walang Napala sa Interogasyon; Lumipad Pabalik ng Heilongjiang si Yang Jing at Minanmanan ng mga Impormante ng CCP Pauwi

24:03 Inaresto Tatlong Araw Pagkauwi sa Bahay, Pinalaya sa Pamamagitan ng Pagpiyansa si Yang Jing Dahil sa Malubhang Sakit

28:42 Paulit-ulit na Niligalig ng mga Pulis sa Bahay si Yang Jing Habang Nagpapagaling

34:06 Sinubukan ng Isang Opisyal ng Nayon na Pilitin si Yang Jing na Gumawa ng Pahayag ng Garantiya na Titigil na Siya sa Pananampalataya sa Diyos; Tumanggi Siya

38:34 Pangwakas na Pananalita