Sa Tsina, isang bansang pinamumunuan ng ateistang rebolusyonaryong Partido Komunista, ang pananampalataya sa Diyos ay katumbas ng paglaban sa Partido Komunista. Ang mga mananampalataya ay binabansagan na mga politikal na kriminal, inaaresto, at hinahatulan. Sa partikular, kung maaaresto ang mga mananampalataya sa Makapangyarihang Diyos, maaari silang "patayin sa bugbog nang walang pananagutan." Dahil dito, maraming Kristiyano mula sa Ang Iglesia ng Makapangyarihang Diyos ang inaresto at isinailalim sa di-makataong kalupitan: Ang ilan ay isinailalim sa lahat ng uri ng malupit na pagpapahirap pagkatapos maaresto at binugbog hanggang sa magkapasa-pasa; ang ilan ay binugbog at naging baldado, hindi na makapamuhay nang normal; ang ilan ay nasentensiyahan ng pagkakakulong; ang ilan ay isinailalim sa matagalang pagmamanman at pinagkaitan ng kanilang kalayaan; marami ang nagtago para takasan ang pag-aresto ng CCP, hindi na makauwi sa kanilang mga tahanan; at ang ilan ay napilitang tumakas sa ibayong dagat, namumuhay sa palagiang pagpapalipat-lipat at pagdurusa. Sa harap ng matagalan at malupit na pag-uusig ng CCP, hindi naduwag ang maraming Kristiyano. Patuloy silang nananampalataya sa Diyos sa malupit na kapaligirang ito, nagpupursigi sa paggawa ng kanilang mga tungkulin at pagsunod sa Diyos. Labis itong ikinagalit ng CCP, ang masamang diyablo, patuloy na naglulunsad ng mga bagong kampanya ng pag-aresto at pag-uusig, at nagdeklara pa nga, "Uurong lamang ang mga puwersa kapag natapos na ang pagpuksa." Dahil dito, patuloy na nangyayari ang mga kaso ng pag-aresto sa mga Kristiyano habang nagtitipon. Mula Agosto 21 hanggang 22, 2023, maraming Kristiyano mula sa Ang Iglesia ng Makapangyarihang Diyos sa Guangzhou, Lalawigan ng Guangdong, ang inaresto ng mga pulis habang nagtitipon sila. Dinala sila ng mga pulis sa Kawanihan ng Pampublikong Seguridad para sa isang lihim na interogasyon. Hanggang kamakailan lang, nanatiling halos lingid sa ating kaalaman kung ano ang mga tiniis nila. Ngayon, halos tatlong taon na ang nakalipas. Kamakailan lang, kinapanayam namin ang dalawa sa mga Kristiyanong inaresto noon, sina Xiao Yun at Cheng Zhi. Sa panayam, napag-alaman naming isinailalim sila sa iba't ibang anyo ng pagpapahirap at pang-aabuso habang iniinteroga, kabilang ang mga karaniwang pamamaraan gaya ng panggugutom, pagkakait ng tulog, at mararahas na pambubugbog. Ipinosas din ang mga kamay nila sa kanilang likuran, na may 15-kilong bloke ng semento na isinabit sa mga posas sa loob ng mahabang panahon. Sapilitang pinakain si Xiao Yun ng iba't ibang insekto, gaya ng mga gagamba at mga salagubang na kulay-berde ang talukab, habang kasabay nito, pinasukan ang damit niya ng mga insekto tulad ng gagamba at higad para pahirapan siya. Nakakakilabot ito, pero tumawa lang nang malakas ang mga pulis habang nag-iisip ng mga bagong paraan para pahirapan siya. Sina Xiao Yun at Cheng Zhi ay isang buong buwang pinahirapan ng mga pulis, dumanas ng matinding pasakit sa katawan at isip, pero tumanggi pa rin silang pumirma sa "Tatlong mga Pahayag." Pagkatapos niyon, nasentensiyahan sila ng pagkakakulong.

00:22 Mga Tampok na Bahagi

04:38 Ginutom si Xiao Yun at Ipinosas nang Patalikod

09:14 Sinubukan ng mga Pulis na Painan at Gipitin si Xiao Yun, at Gumamit ng mga Panlalansi sa Kanya ang Isang "Eksperto sa Brainwashing"

14:26 Pinahirapan ng mga Pulis si Xiao Yun sa Pamamagitan ng Matinding Lamig at Paghagupit

22:31 Naghagis ng mga Insekto ang mga Pulis kay Xiao Yun at Sinubukang Pilit na Ipinalunok sa Kanya ang mga Ito

26:09 Ipinosas si Xiao Yun, Sinabitan ng Bloke ng Semento sa mga Pulso, Pinahirapan sa Lamig, at sa Wakas ay Nasentensiyahan

32:31 Dumanas si Cheng Zhi ng Isang Buwan ng Di-makataong Pagpapahirap

37:46 Listahan ng Masasamang Pulis ng CCP na Umuusig sa mga Kristiyano (Unang Bahagi)

41:54 Pangwakas na Pananalita