Chat Room ng Ebanghelyo ng Kaharian: Mga Tampok na Bahagi ng Panayam | Bakit Pinanghahawakan pa rin Niya ang Kanyang Pananalig Matapos Maitakwil ng Mahigit 500 Tao?
Inirerekomenda:
Dating ebanghelista si Wilma Rubino para sa isang simbahang Kristiyano sa Italya. Sa loob ng maraming taon, inakala niyang naglilingkod siya sa Panginoon sa pamamagitan ng pangangaral niya, pero unti-unti niyang napagtanto na hindi nakaayon sa Bibliya ang ilan sa mga doktrina ng denominasyon niya. Ikinagulat niya ang pagkatantong iyon at lalo siyang nakaramdam ng pagkaligaw kaysa dati. Pagkatapos iwan ang dati niyang denominasyon, umasa siyang makakahanap siya ng iglesia na tunay na may gawain ng Banal na Espiritu at presensya ng Diyos—isang lugar na talagang makakapagtustos sa buhay ng mga tao. Puno ng pag-asa, binisita niya ang iba't ibang denominasyon sa buong Italya, para lang umalis nang dismayado sa bawat pagkakataon. Dahil sa pagharap sa lahat ng kalungkutan, kahinaan, at kalituhang iyon nang napakatagal, naisip na lang niyang sumuko. Pero hindi siya kailanman tumigil sa pagdarasal sa Panginoon, nagmamakaawa sa Kanya na gabayan ang landas niya na nasa unahan. Pagkatapos, sa isang hindi inaasahang pagkakataon, labis na inantig ng isang pelikula ang puso niya. Dinala siya nito sa wakas sa iglesiang may presensya ng Diyos na hinahanap niya sa lahat ng taon na iyon. Pero kung kailan inakala niyang nakauwi na siya sa wakas, nagulo siya at muntik na siyang mailigaw ng iba't ibang uri ng negatibong impormasyon. Higit pa roon, itinakwil siya ng denominasyon niya, kaya napilitan siyang gumawa ng isa pang mahirap na pagpili. Maligayang pagdating sa panayam na ito. Samahan ninyo kami habang ibinabahagi ni Wilma Rubino ang totoong paglalakbay niya sa pagharap sa lahat ng kalituhan, pagdurusa, at pagsubok na iyon, para mahanap sa wakas ang iglesiang tunay na may presensya ng Diyos at makabalik sa harap ng Diyos.
