Sa pagtatapos ng 2023, nagtapos ang "Tatlong-Taong Kabuuang Digmaan" ng Partido Komunista ng Tsina, isang kampanyang idinisenyo para ganap na wasakin Ang Iglesia ng Makapangyarihang Diyos. Nabigo itong makamit ang layon nitong lipulin ang Iglesia, kaya agad nitong inilunsad ang "Tatlong-Taong Matinding Labanan." Ang 2025 ang ikalawang taon ng "Matinding Labanan" na ito. Upang ganap na mapawi at malipol ang mga Kristiyano ng Ang Iglesia ng Makapangyarihang Diyos, nagpatuloy nang walang humpay ang mga operasyon ng malawakang pag-aresto sa buong bansa. Isa ang Lalawigan ng Guangdong sa mga lugar kung saan partikular na malupit ang pag-aresto at pag-uusig sa mga Kristiyano; sa buwan lang ng Hulyo, hindi bababa sa 147 Kristiyano mula sa Ang Iglesia ng Makapangyarihang Diyos ang inaresto ng CCP. Si Hao Kai (alyas) ay isa sa mga Kristiyanong inaresto at inusig sa bugso ng mga operasyong ito. Katutuntong pa lang niya sa edad na 18 nang dakpin siya. Para pilitin si Hao Kai na magkanulo ng impormasyon tungkol sa Ang Iglesia ng Makapangyarihang Diyos, naghalinhinan ang apat na pulis sa pagkuryente sa kanya gamit ang mga batutang de-kuryente sa maraming bahagi ng kanyang katawan. Binugbog at kinuryente nila siya nang pito hanggang walong oras nang tuloy-tuloy, hindi pinapansin ang kanyang paghihirap. Labis na pinahirapan si Hao Kai ng pagkuryente hanggang sa ninais na niyang mamatay, pero sa kabila ng matinding sakit, tumanggi siyang talikuran ang kanyang pananalig o pumirma sa "Tatlong mga Pahayag" (garantiya, pagsisisi, at pagtalikod). Pagkatapos ay sapilitang ibinaba ng mga pulis ang pantalon niya, naghahandang kuryentihin ang kanyang ari, pero nagpumiglas nang husto si Hao Kai para umiwas. Sa pananampalataya sa Diyos, tinatahak niya ang tamang landas sa buhay, kaya anong batas ang nilabag niya? Bakit kaya ganoon kalupit na pinahirapan ng mga pulis ng CCP ang 18-anyos na Kristiyanong ito? Sa episode na ito, hatid namin sa inyo ang "18-Anyos na Kristiyano, Binugbog at Kinuryente ng Apat na Pulis Nang Ilang Oras."

00:22 Mga Tampok na Bahagi

03:19 Pagpapakilala sa Kinapanayam na Kristiyano

03:43 Inaresto Dahil sa Pananampalataya sa Diyos

05:23 Pag-uusig sa Silid ng Interogasyon: Hao Kai, Brutal na Kinuryente ng Apat na Pulis

18:36 Mga Pulis, Marahas na Pinilit si Hao Kai na Pumirma sa "Tatlong mga Pahayag"

23:34 Pinalaya at Nakauwi: Balot ng Sugat ang Katawan ni Hao Kai, Matinding Nagdurusa ang Kaluluwa Niya

29:01 Ang Naghihinagpis na Daing ng Ina ni Hao Kai

34:11 Pangwakas na Pananalita