Mga Mobile App

Ang mga Katunayan ng Mapaniil na Pag-uusig ng CCP sa mga Kristiyano, Ep. 6: Ang Dugo at Luha ng Matatandang Kristiyano—Isang 79-Anyos na Inusig Hanggang Mamatay Dahil sa Paninindigan sa Kanyang Pananalig

Pebrero 18, 2026

Taong 2024 ang unang taon ng "Tatlong-Taong Matinding Labanan" ng CCP laban sa Ang Iglesia ng Makapangyarihang Diyos. Simula pa lang ng taon, nagpatuloy nang walang humpay ang mga pag-aresto sa mga Kristiyano sa buong bansa. Noong Mayo 23, 2024, naglunsad ang mga awtoridad sa Lungsod ng Bozhou, Lalawigan ng Anhui, ng isang koordinadong operasyon ng pag-aresto. Inaresto ang 79-anyos na si Qin Mei at 21 pang Kristiyano mula sa kanilang mga tahanan dahil sa kanilang pananampalataya sa Diyos. Pagkatapos makulong sa pagkakataong ito, paulit-ulit na sinubukan ng mga tao sa detention center na pilitin si Qin Mei at ang iba pa na pumirma sa "Tatlong mga Pahayag" (garantiya, pagsisisi, at pagtalikod) at isuko ang kanilang pananalig. Hindi sumuko si Qin Mei at ang iba pa, at isinailalim sila sa parusang pisikal, pinilit na umupo sa matigas na tabla sa loob ng 13 hanggang 14 na oras kada araw. Kailangan nilang umupo nang naka-indian sit, ang mga kamay ay nasa tuhod, at panatilihing tuwid na tuwid at hindi gumagalaw ang kanilang mga katawan. Kinumpiska rin ang pustiso ni Qin Mei, kaya nahirapan siyang kumain. Ang matagalang parusang pisikal ay higit pa sa kayang tiisin ng matanda at mahinang babae. Makalipas lang ang 21 araw, pinahirapan si Qin Mei hanggang sa mamatay sa detention center, na naging martir sa kamay ng CCP. Bukod pa rito, ang mga nakaligtas na Kristiyano ay dumaranas ng mga sakit bilang resulta ng pagpapahirap ng CCP. Patuloy na ilalantad ng ulat na ito ang katunayan ng pag-uusig ng CCP sa mga Kristiyano.

Sinundan: Ang mga Katunayan ng Mapaniil na Pag-uusig ng CCP sa mga Kristiyano, Ep. 7: Isang Eksklusibong Panayam sa Isang Kristiyanong Nakalaya mula sa Bilangguan: Paninindigan sa Kanyang Pananalig sa Kabila ng mga Pagtatangka sa Sapilitang Pagpapalit ng Paniniwala
Sumunod: Ang mga Katunayan ng Mapaniil na Pag-uusig ng CCP sa mga Kristiyano, Ep. 5: Naglulunsad ang CCP ng "Tatlong-Taong Matinding Labanan" para Puksain ang Ang Iglesia ng Makapangyarihang Diyos

Iba't ibang bihirang sakuna ang nangyayari ngayon, at ayon sa mga propesiya sa Bibliya, mas malalaking kalamidad pa ang darating. Kaya paano natin matatanggap ang proteksyon ng Diyos sa mga kapighatiang ito? Makipag-ugnayan sa amin, at tutulungan namin kayong mahanap ang daan.

Kontakin Kami Gamit ang Messenger

Kaugnay na Nilalaman