Mula nang umupo sa kapangyarihan, walang-habas nang sinusupil ng CCP, ang masamang ateistang partidong ito, ang relihiyosong pananampalataya. Ginagawa nito ang lahat sa pagsisikap na arestuhin at pagmalupitan ang mga Kristiyano, tinatangkang lubusang lipulin ang mga ito. Mas gugustuhin pa nitong magkamaling pumatay ng isang libo kaysa may makatakas kahit isa. Wala na talagang puwang para manatiling buhay ang mga Kristiyano sa mainland China. Pinagkakaitan sila hindi lang ng karapatan sa kalayaan sa pananampalataya, kundi maging ng mismong karapatan nilang mabuhay. Kaya naman, hindi mabilang na Kristiyano ang napipilitang lumisan sa kanilang mga tahanan at mamuhay nang palipat-lipat. Maraming taon silang namumuhay nang tumatakas, nagtitiis ng matitinding hirap. Hanggang ngayon, patuloy silang tinutugis ng CCP, idinadagdag pa nga sila sa pambansang database ng mga pinaghahanap na pugante. Ano na ang kalagayan ng buhay ngayon ng mga Kristiyanong ito na napilitang mabuhay sa matagal na pagtakas? Kamakailan, nakatanggap kami ng impormasyon tungkol sa tatlong Kristiyano na maraming taon nang tinutugis ng CCP, kasama ng mga pinakabagong impormasyon tungkol sa kanilang mga pamilya. Kilalanin natin sila sa programang ito.

00:22 Mga Tampok na Bahagi

01:52 Kristiyanong si Luo Yu, Inilista Bilang Isang Puganteng Pinaghahanap sa Buong Bansa ng CCP; Matapos Tugisin nang 11 Taon, Inaresto Siya ng mga Pulis at Pumanaw nang Walang Nakakamit na Hustisya Matapos Magtiis ng Matinding Pagpapahirap

37:16 Pamilya ng Kristiyanong si Jing Tao na may Tatlong Miyembro, Tinugis ng CCP Nang Halos 10 Taon; Nagkasakit ang Kanyang Asawa Ngunit Hindi Nakapagpagamot, Kalaunan ay Namatay at Palihim na Inilibing

44:21 Pamilya ng Kristiyanong si Song Liang, Nagkawatak-watak at Napilitang Tumakas sa Loob ng 14 na Taon Habang Tinutugis ng CCP; Kinansela ng CCP ang mga Household Registration Nila

49:22 Pangwakas na Pananalita

51:01 Impormasyon tungkol sa mga Salarin